وزیر اعظم عمران خان سے عمان کے پارلیمانی وفد کی ملاقات ہوئی ہے۔

تفصیلات کے مطابق وزیر اعظم عمران خان سے عمان کے پارلیمانی وفد کی ملاقات ہوئی،وفد کی قیادت مجلس شوریٰ کے چیئرمین شیخ خالد بن ہلال نے کی۔

عمان کے پارلیمانی وفد نے مجلس شوریٰ کے چیئرمین شیخ خالد بن ہلال کی قیادت میں وزیر اعظم سے ملاقات کی، ملاقات میں مقبوضہ کشمیر سمیت مختلف موضوعات پر گفتگو کی گئی۔ 

A parliamentary delegation of Oman headed by Chairman Majles Al Shura Sheikh Khalid Bin Hilal Al Maawali called on Prime Minister Imran Khan in Islamabad today. pic.twitter.com/M6q5fmRInn

Advertisement

— Govt of Pakistan (@pid_gov) September 5, 2019

وزیر اعظم نے ملا قات کے دوران وفد کو مقبوضہ کشمیر میں بھارتی جارحیت سے آگاہ کیا اور بھارتی فورسز کی جانب سے نہتے کشمیریوں پر ڈھائے جانے والے مظالم پر بھی بات چیت ہوئی۔

ذرائع کے مطا بق دونوں ممالک کے وفود کے درمیان باہمی تعلقات اور تجارت کے فروغ پر بھی بات چیت ہوئی جبکہ مختلف شعبوں میں دو طرفہ تعاون بڑھانے پر بھی اتفاق ہوا، وزیر اعظم سے ملا قات کے بعد عمان کا وفد وزارت خارجہ پہنچا جہاں انھوں نے وزیر خارجہ شاہ محمود قریشی سے ملاقات کی اور دو طرفہ تعلقات کے ساتھ ساتھ مقبوضہ کشمیر کی صورتحال کے امور پر بھی تبادلہ خیال کیا ۔

اس موقع پرپاکستانی وزیر خارجہ کا کہنا تھا کہ اقتصادی روابط سے تعاون کو نئی بلندیوں پر لے جا سکتے ہیں، دونوں ممالک کے نکتہ نظر میں مماثلت پائی جاتی ہے،اس کے ساتھ ساتھ وزیر خارجہ نے وفد کو مقبوضہ کشمیر کی تشویشناک صورتحال سے بھی آگاہ کیا کہ نہتے کشمیروں کو کرفیو سے یرغمال بنا کر رکھا گیا ہے۔