ڈی جی آئی ایس پی آر میجر جنرل آصف غفور نے کہا ہے کہ چین کی جانب سے پاکستان کو بھرپور تعاون حاصل رہے گا۔
ڈی جی آئی ایس پی آر میجر جنرل آصف غفور نے دورہ چین سے متعلق سینئر صحافیوں کو بریفنگ دی۔
بریفنگ کے دوران انہوں نے بتایا کہ وزیراعظم عمران خان نے چینی صدر کو پاکستان میں صنعتیں منتقل کرنے کیلئے مدعو کیا ہے جبکہ چینی صدر پر واضح کردیا گیا ہے کہ ہمیں امداد نہیں چاہئے۔
ساتھ ہی ساتھ ڈی جی آئی ایس پی آر نے کہا کہ موجودہ صورتحال میں پاکستانی قیادت کا دورہ چین اہم تھا جبکہ چین کی جانب سے ایف اے ٹی ایف میں پاکستان کو تعاون کی یقین دہانی کرائی ہے۔
کشمیر کی صورتحال پر بریفنگ دیتے ہوئے انہوں نے کہا کہ کشمیر ہماری رگوں میں خون بن کر دوڑتا ہے جبکہ کشمیر میں ظلم ہوگا تو پاکستان خاموش نہیں رہ سکتا ہے، کشمیریوں نے ابھی تک بھارت کے سامنے سر نہیں جھکایا ہے اور جب بھی ضرورت ہوگی پاکستان اپنے تمام وسائل استعمال کریگا۔
ڈی جی آئی ایس پی آر کے مطابق چینی صدر نے کہا ہے کہ پاکستان کوضرورت پڑی توچین خاموش نہیں بیٹھےگا ، پاکستان کی معیشت کو پھلتے پھولتے دیکھنا چاہتے ہیں۔
ڈی جی آئی ایس پی آر نے مزید بتایا کہ چینی صدر نے کہا کہ پاکستان کے ساتھ تعلقات میں کوئی تبدیلی نہیں آئے گی جبکہ انکا کہنا تھا کہ پاکستان نے ماضی میں چین کی مدد کی ہے جس کا ہم اعتراف کرتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News