ڈی جی آئی ایس پی آرمیجرجنرل آصف غفور نے کہا ہے کہ آزادکشمیرمیں دہشت گردوں کاکوئی کیمپ موجودنہیں، بھارتی فوج کا 3مبینہ کیمپ تباہ کرنے کا دعویٰ مایوس کن ہے۔

تفصیلات کے مطابق سماجی رابطے کی ویب سائٹ ٹوئٹرپر ڈی جی آئی ایس پی آرمیجرجنرل آصف غفور نے اپنے ٹوئٹ میں بھارتی میڈیا کوآڑے ہاتھوں لیتے ہوئے کہا کہ بھارتی میڈیا کے پاکستان میں مبینہ کیمپوں کو نشانہ بنانے کے تمام دعویٰ جھوٹ نکلے، بھارتی سفارتخانہ غیر ملکی سفیروں اور میڈیا کے ساتھ دورہ کرسکتا ہے۔

Indian COAS’ statement claiming destruction of 3 alleged camps in AJK is disappointing as he holds a very responsible appointment. There are no camps let alone targeting those. Indian Embassy in Pakistan is welcome to take any foreign diplomat / media to ‘prove’ it on ground.1/2.

— DG ISPR (@OfficialDGISPR) October 20, 2019

میجرجنرل آصف غفور کا کہنا تھا کہ بھارتی سفارتخانہ اپنےآرمی چیف کادعویٰ سچ ثابت کرکےدکھائے، بھارتی سینئرفوجی افسران پلوامہ حملےکے بعد مسلسل جھوٹے دعوے کررہے ہیں۔

The propensity of false claims by senior Indian military leadership especially since Pulwama incident is detrimental to peace in the region. Such false claims by Indian Army are being made to suit vested domestic interests. This is against professional military ethos.2/2.

— DG ISPR (@OfficialDGISPR) October 20, 2019

اپنی ٹوئٹ میں ڈی جی آئی ایس پی آر کا یہ بھی کہنا تھا کہ جھوٹےدعوے پیشہ ورانہ فوجی اخلاقیات کےخلاف ہیں، بھارتی عسکری قیادت کے جھوٹے دعوے خطے کے امن کیلئے خطرہ ہیں۔

میجرجنرل آصف غفور کا اپنی ایک اور ٹوئٹ میں کہنا تھا کہ بھارتی میڈیا مقبوضہ کشمیر تک رسائی حاصل کرےاور پاک فوج کی کارروائی کے نقصانات کی کوریج کرنے کی جرات کرے۔

Typical of Indian media falsely claiming targeting of alleged camps. Get access to IOJ&K & have moral courage to cover damages caused by Pak Army. All your previous claims met their fate so shall this one. Follow journalistic ethos of Pak Media for reporting with responsibility.

— DG ISPR (@OfficialDGISPR) October 20, 2019

ڈی جی آئی ایس پی آرمیجرجنرل آصف غفور کا مزید کہنا کہ بھارتی میڈیا، پاکستان کی طرح صحافتی اخلاقیات پرعمل کرے یا پھر پاکستانی میڈیا سے صحافتی اخلاقیات سیکھے۔

واضح رہے اس اسے قبل بھی ڈی جی آئی ایس پی آر نے اپنے ٹوئٹ میں کہا تھا کہ بھارت مبینہ کیمپوں کونشانہ بنانےکی آڑمیں معصوم شہریوں کونشانہ بنا رہاہے۔ زخمی شہریوں کوڈسٹرکٹ اسپتالوں میں منتقل کردیاگیاہے۔ بھارتی فوج نےجان بوجھ کر شہری آبادی کو نشانہ بنایا ہے۔ یو این مبصرمشن،ملکی،غیر ملکی میڈیاکو آزاد جموں کشمیر میں آزادانہ رسائی ہے۔

ڈی جی آئی ایس پی آرمیجرجنرل آصف غفور نے مزید کہا تھا کہ بھارت کو سیز فائرخلاف ورزیوں کاہمیشہ منہ توڑ جواب ملےگا۔ پاک فوج ایل اوسی پرمعصوم شہریوں کی حفاظت جاری رکھےگی۔ پاک فوج ایل اوسی کی خلاف ورزی پربھارتی فوج کوناقابل برداشت نقصان پہنچائےگی۔ سچ بتا کرجھوٹےبھارتی دعوؤں،جعلی فلیگ آپریشن کی تیاریوں کوبےنقاب کرتےرہیں گے۔