پاکستان اور چین کا سی پیک کی سیکورٹی موثر بنانے پر اتفاق

عبدالمجید , نمائندہ بول نیوز

23rd November, 2019

پاکستان اور چین نے داخلی سیکورٹی کو موثر بنانے کے لئے سپیشل سیکورٹی ڈویژن بنانے کا فیصلہ کر لیا۔

تفصیلات کے مطابق پاکستان نے سی پیک سیکورٹی اور داخلی صورت حال کو بہتر بنانے کے لئے پائلٹ پروجیکٹ شروع کرنے کا فیصلہ کر لیا اور اس سلسلے میں چین نے پاکستان کو ہر ممکن تعاون کی یقین دہائی کروا دی۔

بول نیوز کو موصول ہونے والی دستاویزات میں دونوں ممالک کی جانب سے دہشت گردی کے خلاف مل کر جنگ جاری رکھنے کا عزم کا بھی اظہار کیا گیا۔

ذرائع کے مطابق وزارت داخلہ کے تعاون سے جلد پائلٹ پروجیکٹ پر کام گوادر سے شروع کیا جائے گا۔

سیکورٹی اخراجات پرادائیگی چائنہ کرنسی میں کی جائے گی اور پاکستان کو اس حوالے سے اپنا موثر کردار ادا کرنا ہوگا۔

ذرائع کا مزید کہنا ہے کہ وفاقی وزیر داخلہ اعجاز شاہ کی جانب سے بھی رواں ہفتے ملاقات میں چینی سفیر کو ہر ممکن تعاون کی یقین دہائی کروائی گئی تھی جبکہ ملاقات میں سی پیک کی سیکورٹی کے حوالے سے الگ سے سیکورٹی ڈویژن بنانے پر بھی اتفاق کیا گیا تھا۔

واضح رہے اس سو قبل صدر مملکت ڈاکٹر عارف علوی نے پاکستان چائنہ ایگریکلچرل فورم 2019 کی افتتاحی تقریب سے خطاب کرتے ہوئے کہا تھا کہ پیداوار میں اضافے کیلئے پانی کی بہتر ٹیکنالوجی اور چین کی طرز پر اچھا بیج استعمال کرنا ہوگا۔

صدر مملکت ڈاکٹرعارف علوی نے کہا تھا کہ پانی کی قیمت کا تعین کرنا ضروری ہے کیونکہ ہم کاشتکاری کے لئے پانی کا بہتر استعمال نہیں کررہے۔

ڈاکٹرعارف علوی نے یہ بھی کہا تھا کہ اچھے بیج سے کپاس سمیت زرعی اجناس کی پیداوار بڑھایا جا سکتا ہے جبکہ ہمیں زراعت کے شعبے میں انسانی وسائل کی کارکردگی کو بھی بڑھانا ہے۔

صدر مملکت کا کہنا تھا کہ اس شعبے میں ہم چین کے تجربے سے مستفید ہو سکتے ہیں، ہمیں کاشتکاری کیساتھ فصلوں کو ذخیرہ کرنے کی جدید  ٹیکنالوجی کا بھی استعمال کرنا ہوگا۔

صدرمملکت ڈاکٹرعارف علوی کا مزید کہنا تھا کہ پاکستان کا باسمتی چاول عالمی شہرت رکھتا ہے، پوری دنیا میں  اس کی طلب ہے لیکن ہمیں پیداوار میں اضافے کے ساتھ ویلیوایڈیشن کو بھی فروغ دینا ہوگا۔

وریشہ مسعود

ویب ایڈیٹر , بول نیوز


متعلقہ خبریں

رشید

فروری، مارچ مشکل مہینے ہیں

وزیرریلوے شیخ رشید نے کہا ہے کہ فروری، مارچ مشکل مہینے ہیں، شہبازشریف اور مریم نوازکے نئے...

موجودہ اقتصادی

ایک برس میں 31 فیصدنوجوان بےروزگارہوئے،سروےرپورٹ

موجودہ اقتصادی صورتحال کے باعث پاکستان میں  31 فیصد پاکستانی ملازمتوں سےہاتھ دھو بیٹھےہیں۔ تازہ ترین سروے...

ایم کیوایم پاکستان سےمذاکرات، حکومتی وفدکراچی پہنچ گیا

جہانگیرترین کی قیادت میں حکومتی وفداتحادی جماعت ایم کیوایم پاکستان کومنانے کے لئے کراچی پہنچ گیا۔ تفصیلات...

لاپتہ افرادکی بازیابی حکومت کی ذمہ داری ہے

وزیر انسانی حقوق ڈاکٹرشیری مزاری نے جیلوں کی حالت زار سے متعلق رپورٹ پیش کردی۔ تفصیلات کے...