وزیراعلیٰ پنجاب سردار عثمان بزدار نے کہا ہے کہ پی ٹی آئی کی حکومت عوامی خدمت اور قومی ترقی کے مشن پر عمل پیرا ہے۔
تفصیلات کے مطابق پنجاب کی بگڑتی انتظامی صورتحال پع وزیراعلیٰ پنجاب سردار عثمان بزدار نے اپنے ایک بیان میں کہا کہ وزیر اعظم عمران خان ملک کو درپیش اندرونی و بیرونی چیلنجز کا مقابلہ کررہے ہیں۔
وزیراعلیٰ پنجاب نے کہا کہ پاکستان کے 22کروڑ عوام کو وزیراعظم عمران خان کی شفاف قیادت پر پورا اعتماد ہے۔
سردار عثمان بزدار نے یہ بھی کہا کہ اپوزیشن کی اے پی سی دراصل ڈی پی سی ہے، اپوزیشن جماعتوں کے پاس فلاح عامہ کا کوئی ایجنڈا نہیں۔
سردار عثمان بزدار کا کہنا تھا کہ سیاسی بے روزگار ذہین نشین رکھیں کہ عوامی پذیرائی احتجاجی سیاست سے نہیں بلکہ عوام کی خدمت سے ملتی ہے۔
وزیراعلیٰ پنجاب کا اپنے بیان میں مزید کہنا تھا کہ عوام کے مستر دشدہ عناصر کے ہاتھ پہلے کچھ آیا ہے نہ آئندہ آئے گا۔
واضح رہے اس سے قبل وزیراعلیٰ پنجاب سردار عثمان بزدار سے مختلف اضلاع سے تعلق رکھنے والے اراکین پنجاب اسمبلی کی ملاقات ہوئی تھی۔
وزیراعلیٰ پنجاب سردار عثمان بزدار نے کہا تھا کہ وزیراعظم عمران خان کا ”کرپشن فری پاکستان“ قوم کے دل کی آواز بن چکا ہے۔
وزیراعلیٰ پنجاب نے یہ بھی کہا کہ ارکان اسمبلی پنجاب کو مثالی صوبہ بنانے کے مشن میں میرے دست و بازو ہیں، سابق دور میں ملک کوقرضوں کے چنگل میں جکڑنے والے کس منہ سے رہنمائی کادعویٰ کرسکتے ہیں۔
وزیراعلیٰ پنجاب نے مزید کہا کہ نئے پاکستان میں نہ کرپشن کی گنجائش ہے نہ کرپٹ عناصر کی اور ہم سچے جذبے سے عوام کی خدمت کررہے ہیں کیونکہ سمت درست اور نیت نیک ہے۔
اس موقع پر وزیراعلیٰ نے اراکین اسمبلی کے حلقوں کے مسائل کے حل کیلئے موقع پر ہی احکامات جاری کیے، انشاء اللہ فلاح عامہ کے انقلابی پروگرام پر عملدرآمد کرتے ہوئے اہداف حاصل کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News