اسٹریٹ کرمنلز کے خلاف ٹارگیٹڈ آپریشن شروع کرنے کا فیصلہ
وزیر اعلیٰ سندھ مراد علی شاہ کے اسٹریٹ کرمنلز کے خلاف مختلف قسم کے ٹارگیٹڈ آپریشن شروع کرنے کا فیصلہ کیا ہے۔
وزیراعلیٰ سندھ سید مراد علی شاہ کی صدارت میں امن و امان کی مجموعی صورتحال خاص طور پر اسٹریٹ کرائم سے متعلق اجلاس ہوا جس میں میں شہر میں اسٹریٹ کرائم کے خاتمے کے حوالے سے اہم فیصلے کئے گئے۔
اجلاس میں مراد علی شاہ نے اسٹریٹ کرائم کو کنٹرول کرنے کے لیے مددگار 15 کی فورس میں اضافہ اور انہیں گاڑیاں جدید آلات مثلاً ٹیبلیٹ اور فرانزک لیب وغیرہ سے آراستہ کرکے اسے مستحکم /فعال بنانے کے منصوبے کی منظوری دی تاکہ فوری طور پر کارروائی کو یقینی بنایا جاسکے۔
وزیر اعلیٰ سندھ نے اسٹریٹ کرمنلز کے سمری ٹرائل کرنے کا بھی فیصلہ کیا جس کے لیے انہوں نے صوبائی مشیر قانون مرتضیٰ وہاب اور آئی جی پولیس ڈاکٹر کلیم امام کے تحت ایک کمیٹی تشکیل دی جوکہ اپنی سفارشات مرتب کرکے اپنی تجاویز کابینہ کو پیش کرے گی۔
عوام سے لوٹ مار کرنے والوں کو سخت ترین سزائیں دینے کے لیے قانون سازی کی جائے گی۔ چوری کے فون اورگاڑیاں خریدنے والوں کیخلاف بھی کریک ڈاؤن شروع کرنے کا فیصلہ کیا گیا ہے۔
اجلاس میں صوبائی مشیر مرتضیٰ وہاب ، سیکریٹری داخلہ قاضی کبیر، آئی جی پولیس ڈاکٹر کلیم امام، ایڈیشنل آئی جی کراچی غلام نبی میمن ، ایڈیشنل آئی جی سی ٹی ڈی کامران فضل ، ایڈیشنل آئی جی اسپیشل برانچ عمران یعقوب، ڈی آئی جی سائوتھ شرجیل کھرل، ڈی آئی جی ایسٹ عامر فاروقی، ڈی آئی جی ویسٹ امین یوسف زئی اور دیگر متعلقہ افسران نے شرکت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News