چودھری شوگر ملزکیس کی سماعت،مریم نوازعدالت میں پیش
احتساب عدالت لا ہورمیں چوہدری شوگر مل کیس کی سماعت ہوئی۔
تفصیلات کے مطا بق سماعت میں سابق وزیراعظم نوازشریف اور مریم نواز کو پیش ہونے کا حکم دیا گیا تھا تاہم مریم نواز ضمانت پر ہونے کے سبب خود عدالت میں پیش ہوئیں۔
ذرائع کے مطا بق احتساب عدالت کے جج امیر محمد خان نے کیس کی سماعت کی جبکہ جیل حکام نے گرفتار ملزم یوسف عباس کو جیل سے لا کر پیش کیا تاہم نواز شریف طبی بنیادوں پر عدالت میں پیش نہ ہوئے۔
عدالت نے مریم نواز کے ضمانتی مچلکوان پر دستخط کروا ئے،جس پر جج امیر محمد خان نے کہا کہ دستخط کا مطلب ہے کہ آپ ہر تاریخ سماعت پر حاضر ہوں گی۔
مریم نوازنے جج کوجواب دیا کہ ایسا تو نہیں ہوا جج صاحب آپ نے بلایا ہو اورہم پیش نہ ہوئے ہوں، آج بھی میاں صاحب کی طبیعت خراب تھی مگر ان کو چھوڑ کر حاضر ہوئی ہوں۔
مریم نواز نے احتساب عدالت کے باہر میڈیا سے گفتگو کرتے ہوئے کہا کہ نواز شریف کا علاج دنیا میں جہاں سے ممکن ہے وہاں جانا چاہیے، میاں صاحب علاج کیلئے رضامند ہوئے یا نہیں یہ علیحدہ بحث ہے۔
قومی احتساب بیوروکے تفتیشی افسرنے عدالت کو ریفرنس سے متعلقہ آگاہ کیا اور نیب کی جانب سے حافظ اسد اللہ اعوان نے دلائل دیئے۔
امجد پرویز ایڈووکیٹ کے مطابق نواز شریف احتساب عدالت میں پیش نہیں ہوں گے اور طبی بنیادوں پر حاضری سے استثنیٰ کی درخواست بھی دائر کی گئی۔
دوسری جانب چودھری شوگر ملز کیس میں احتساب عدالت نے مریم نواز کے کزن یوسف عباس کے جوڈیشل ریمانڈ میں 22 نومبر تک توسیع کر دی۔
واضح رہے کہ مذکورہ کیس میں سا بق وزیراعظم نوازشریف اور مریم نواز کی لاہور ہائیکورٹ سے درخواست ضمانت منظور ہوچکی ہے،عدالت نے نوازشریف کو طبی بنیادوں پر جبکہ مریم نوازکو والد کی تیمارداری کیلئے ضمانت پر رہا کیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News