سابق وزیراعظم نواز شریف کا نام ای سی ایل سے نکالنے کے معاملے پر شریف خاندان ضمانتی بانڈ نہ دینے کے فیصلے پر ڈٹ گیا ہے۔
تفصیلات کے مطابق شریف خاندان ضمانتی بانڈز کی شرط تسلیم نہ کرنے کی ضد پر اڑ گیا ہے، مسلم لیگ ن نے کابینہ کی ذیلی کمیٹی کے اجلاس میں شرکت نہ کرنے کا فیصلہ کر لیا ہے۔
ذرائع کے مطابق شریف خاندان کے نمائندے آج کابینہ کی ذیلی کمیٹی کے اجلاس میں شریک نہیں ہونگے جبکہ شریف خاندان اپنا موقف کمیٹی کو پیش کر چکا ہے۔
شریف خاندان کا کہنا ہے کہ کمیٹی میں پیش ہو کر ایک ہی موقف بار بار دھرانے کا فائدہ نہیں ، کمیٹی نے جو فیصلہ کرنا ہے ہمارے پہلے کے موقف پر کر لیں۔
دوسری جانب شہباز شریف کے نمائندے عطا تارڑ نے کہا ہے کہ سا بق وزیر اعظم نواز شریف کی ضمانت پر دو عدالتوں میں ضمانتی مچلکے جمع کرا چکے ہیں جس کے بعد زر ضمانت کی ضرورت نہیں۔
ن لیگ کے مطابق عدالتی فیصلے کے بعد شرائط رکھنا غلط ہے، حکومت نے حد سے تجاوز کیا۔
واضح رہے کہ ذیلی کمیٹی کی جانب سے نواز شریف کا نام ای سی ایل سے نکالنے کیلئے سیکیورٹی بانڈز کی شرط رکھی گئی ہے۔
کیس کی مالیت کے برابر رقم یا پراپرٹی جمع کرانے کے مطالبے پر ڈیڈلاک پیدا ہواجسے مسلم لیگ ن نے مطالبے کو ماننے سے انکار کر دیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News