وزیراعظم عمران خان نے کہا کہ کراچی جیسے بڑے شہر میں عوام کو درپیش مسائل کا مکمل ادارک ہےاور کراچی کی ترقی و خوشحالی وفاقی حکومت کی اولین ترجیحات میں شامل ہے۔

تفصیلات کے مطابق وزیراعظم عمران خان سے کراچی سے تعلق رکھنے والے پاکستان تحریک انصاف کے ممبران قومی اسمبلی نے  بھی ملاقات کی۔

 ملاقات میں کراچی میں وفاقی حکومت کی جانب سے جاری ترقیاتی منصوبوں پر پیشرفت پر بھی گفتگو ہوئی جبکہ اراکین اسمبلی نے وزیراعظم کو کراچی شہر کے مسائل اور اپنے متعلقہ حلقوں میں عوام کو صحت کے مسائل سے  اور پینے کے صاف پانی کی فراہمی  کے حوالے سے درپیش مسائل سے بھی آگاہ کیا  ۔

وزیراعظم نے اراکین اسمبلی کو ہدایت کی کہ وہ عوام الناس سے مستقل رابطہ رکھیں تاکہ عوام کو درپیش مسائل کے حل کے سلسلے میں قابل عمل تجاویز پر عمل درآمد ممکن بنایا جائے۔

اس موقع پر عمران خان نے کہا کراچی پاکستان کا معاشی حب ہے کراچی کی ترقی ملک کی ترقی ہے کراچی جیسے بڑے شہر میں عوام کو درپیش مسائل کا مکمل ادارک ہے۔

وزیراعظم نے کہا  کہ نوجوانوں کو روزگار کی فراہمی کے لیے نجی شعبے اور کاروباری برادری کو ہر ممکنہ سہولت فراہم کرنے کے لئے کوشاں ہیں  جبکہ مختلف ترقیاتی منصوبوں پر پیش رفت کی رفتار تیز ہونے سے نوجوانوں کے لئے روزگار کے مواقع  میسر آئیں گے

عمران خا ن کا کہنا تھا کہ عاشی استحکام کے حصول کے بعد حکومت کی بھرپور توجہ عوام کو درپیش مسائل کے حل پر ہے، حکومت اشیائے ضروریہ کی قیمتوں کو قابو میں رکھنے پر خصوصی توجہ دے رہی ہے۔

بلوچستان کی عوام کی زندگیوں میں بہتری لانا حکومت کی اولین ترجیح ہے،وزیر اعظم

ملاقات میں شکور شاد، آفتاب جہانگیر، اکرم چیمہ، عطاء اللہ خان، اسلم خان، فہیم خان اور کیپٹن (ریٹائرڈ ) جمیل احمد خان شامل تھے ۔

 دوسری جانب وزیراعظم عمران خان سے سابق وزیر قانون بابر اعوان کی ملاقات ہوئی جس میں مشرف کیس کے فیصلے، سیاسی صورت حال اور قانونی امور پر گفتگو کی گئی۔

 وزیراعظم نے  ملاقات میں ریاستی اداروں کے بھرپور دفاع کا عزم کا اظہار کیا جبکہ عوام کے حق میں لاء ریفارمز اور فوری قانون سازی پر تفصیلی مشاورت بھی کی گئی۔

سابق وزیر قانون  سے ملاقات میں عمران خان نے کہا کہ   ریاست ادارے بناتے ہیں جبکہ حکومت کا کام ریاستی اداروں کو مضبوط بنانا ہے۔

وزیراعظم عمران خان نے کہا کہ ملک میں معاشی استحکام کو کوئی طاقت نہیں روک سکتی، پاکستان کو استحکام کی پٹری سے ڈی ریل نہیں ہونے دیں گے ۔

اس موقع پر بابر اعوان کا کہنا تھا کہ ریاست مضبوط ہاتھوں میں ہے، عمران خان نے بحرانوں میں قوم کی درست رہنمائی کی ہے۔

سابق وزیر قانون بابر اعوان نے  مزید کہا کہ حکومت قانون سازی کے ذریعے عوام کو سہولتیں دے گی۔