لاہورسےکراچی جانےوالی جناح ایکسپریس حادثےکاشکار
لاہور سے کراچی جانے والی جناح ایکسپریس حادثے کا شکارہوگئی۔ جناح ایکسپریس کو روانگی کے چند منٹ بعد ہی مغل پورہ کے قریب حادثہ پیش آیا ہے تاہم کسی جانی نقصان کی اطلاع نہیں ملی۔
تفصیلات کے مطابق لاہور سے کراچی جانے والی جناح ایکسپریس جوہی لاہور جنکشن ریلوے اسٹیشن سے کراچی کے لیے روانہ ہوئی تو تیسری بوگی پٹری سے نیچے اتر گئی، ٹرین کو حادثہ لاہور ڈی ایس آفس کے قریب پیش آیا۔
ریلوے ذرائع کے مطابق امدادی ٹیمیں جائے حادثہ پر روانہ کردی گئی ہیں۔
ترجمان ریلویز نے بھی حادثے کی تصدیق کی ہے اور بتایا ہے کہ جناح ایکسپریس کی اکانومی کلاس کی تیسری بوگی پٹری سے اتری۔
ذرائع کا کہنا ہے لاہور آنے اور جانے والی ٹرینوں کو آس پاس کے اسٹیشنوں پر روک دیا گیا ہے۔
ترجمان کے مطابق حادثے کے باعث کوئی نقصان نہیں ہوا جب کہ پٹری کی بحالی اور ٹرین کی روانگی کے لیے اقدامات کیے جا رہے ہیں۔
ریلوے ذرائع کے مطابق حادثہ کے سبب لاہور سے آنے جانے والی تمام ٹرینوں کی آمدورفت معطل کردی گئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News