معاون خصوصی فردوس عا شق اعوان نے کہا کہ ن لیگی قیادت خود اپنی جان و مال اور آل کے ساتھ بیرون ملک جا چکی ہے۔

تفصیلات کے مطابق وزیر اعظم عمران خان کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ن لیگی قیادت خود اپنی جان و مال اور آل کے ساتھ بیرون ملک جا چکی ہے۔

(ن) لیگی قیادت خود اپنی جان، مال اور آل کے ساتھ بیرون ملک جا چکی ہے جبکہ سیاسی سانسیں جاری رکھنے کیلئے پارٹی کے دوسرے درجے کے رہنماؤں کو سمینار کرانے کی نوکری پر لگا دیا ہے۔
2/1

— Dr. Firdous Ashiq Awan (@Dr_FirdousPTI) December 18, 2019

ذرائع کے مطابق فردوس عا شق نے کہ سیاسی سانسیں جاری رکھنے کے لیے پارٹی کے دوسرے درجے کے رہنماؤں کو سیمینار کروانے کی نوکری پر لگا دیا ہے۔

معاون خصوصی نے ٹوئٹ میں کہا کہ معیشت پر کانفرنس کرنے کے بجائے اسحٰق ڈار کو واپس بلائیں جس نے پاکستان کی عمارتیں اور شاہراہیں بھی گروی رکھ دیں۔ ارسطو بن کر لیکچر دینے والوں نے معیشت کی ناؤ ڈبوئی، اب مگر مچھ کے آنسو بہا رہے ہیں؟

وزیر اعظم عمران خان کی معاون خصوصی برائے اطلاعات و نشریات نے کہا کہ احسن اقبال صاحب کاش ملکی معیشت کی فکر آپ نے اپنے دور حکومت میں بھی کی ہوتی؟ 3 دہائیاں برسر اقتدار رہنے والوں کے منہ سے پالیسیوں کے تسلسل میں ناکامی کی بات مضحکہ خیز ہے۔

فردوس عاشق،شہبازشریف پربرس پڑیں

فردوس عاشق نے مزید کہا کہ آل شریف نے عوام کا کاروبار بند کر کے اپنی آل اولاد کے کاروبار کے تسلسل کو تقویت دی۔

دوسری جانب لیگی رہنما احسن اقبال نے کہا ہے کہ حکمرانوں کے ہاتھوں غربت نہیں بلکہ غریب مٹیں گے، حکومت اپنی ناکامیوں کا سارا بوجھ عوام پر ڈال کر ان کا معاشی قتل کر

رہی ہے۔

احسن اقبال نے سماجی رابطے کی ویب سائٹ ٹوئٹر پر ٹویٹ کرتے ہوئے کہا کہ اسمبلی کا اجلاس بلائیں گے، مہنگائی پر بھرپور احتجاج ہوگا۔

نیا پاکستان اور تبدیلی سرکار مبارک۔ حکمرانوں کے ہاتھوں غربت نہیں بلکہ غریب مٹیں گے- اسمبلی کا اجلاس بلائیں گے اور گیس بجلی کے نرخوں میں اضافہ پر بھرپور احتجاج کریں گے- حکومت اپنی نالائقیوں اور ناکامیوں کا سارا بوجھ عوام پر ڈال کر ان کا معاشی قتل کر رہی ہے- https://t.co/srT6fVU60v

— Ahsan Iqbal (@betterpakistan) December 18, 2019

واضح رہے کہ وزیر اعظم عمران خان نے غیر معمولی مشاورت کے لئے پی ٹی آئی کی کور کمیٹی کا اجلاس آج شام طلب کر لیا ہے۔