وزیراعظم عمران خان کو بحرین کے قومی دن موقع پر وہاں کے اعلیٰ ترین سول ایوارڈ سے نوازا گیا۔

تفصیلات کے مطابق وزیراعظم کی بحرین کے فرمانروا حماد بن عیسیٰ الخلیفہ سے ملاقات ہوئی، اس موقع پر بحرین کے فرمانروا نے وزیراعظم عمران خان کا استقبال کیا اور بحرینی فرمانروا حماد بین عیسیٰ نے وزیراعظم کو ایوارڈ بھی دیا گیا۔

واضح رہے کہ اس سے قبل یہ اطلاعات موصول ہوئی تھیں کہ وزیراعظم عمران خان اور بحرین کے فرمانروا کے درمیان ون آن ون ملاقات ہوگی، وزیراعظم بحرین کے قومی دن کی تقریب میں بطور اعزازی مہمان شرکت کریں گے، جہاں انہیں بحرین کا اعلیٰ ترین سول ایوارڈ دیا جائے گا۔

وزیراعظم عمران خان کا  گزشتہ سال اگست میں اپنا عہدہ سنبھالنے کے بعد بحرین کا یہ پہلا دورہ ہے، معاون خصوصی زلفی بخاری بھی وزیراعظم کے ہمراہ موجود ہیں جبکہ کابینہ کے ارکان اور اعلیٰ حکومتی عہدیداروں پرمشتمل اعلیٰ سطح کا ایک وفدبھی وزیراعظم کے ساتھ ہے۔

دورےکے دوران وزیراعظم بحرینی فرمانروا سے ون آن ون ملاقات کریں گے۔ پاکستان اور بحرین کے درمیان وفود کی سطح پر بھی مذاکرات ہوں گے۔

وزیراعظم کوبحرینی حکومت کی جانب سے اعلیٰ ترین سول ایوارڈ شاہ حمد آرڈر آف رئیسانس سے نوازا جائے گا۔ وزیر اعظم پاکستان امیر بحرین حما بن عیسیٰ الخلیفہ کی دعوت پر بحرین کا دورہ کر رہے ہیں۔

وزیراعظم کل بحرین کا دورہ کریں گے

دورہ کے دوران دونوں ممالک کے درمیان مختلف شعبوں میں تعاون بڑھانے پر بات چیت ہوگی اور دو طرفہ تعلقات کے پہلوؤں کے علاوہ عالمی اور علاقائی امور پر بھی بات چیت کی جائے گی۔وزیراعظم کا یہ دورہ فریقین کودوطرفہ تجارت اور سرمایہ کاری کے تعلقات کو مزید مضبوط کرنے کے طریقے تلاش کرنے میں مدد دے گا۔

واضح رہے کہ وزیراعظم عمران خان گذشتہ روزسعودی عرب کے دو روزہ دورے سے وطن واپس لوٹے ہیں جہاں انہوں نے روضہ رسول ﷺ پر حاضری دی تھی اور سعودی ولی عہد محمد بن سلمان سے ملاقات کی۔

واضح رہے کہ مئی 2019 کے بعد وزیر اعظم کا یہ چوتھا دورہ سعودی عرب تھا اور مسلسل روابط اسٹریٹجک شراکت داری کی اہمیت کی عکاسی کرتے ہیں۔ وزیر اعظم نے جی 20 کی صدارت ملنے پر سعودی ولی عہد کو مبارکباد بھی دی۔

وزیراعظم دورہ سعودی عرب کے بعد وطن واپس پہنچ گئے

گذشتہ روز وزیراعظم کےدورہ سعودی عرب کا اعلامیہ بھی جاری کر دیا گیاجس کے مطابق وزیراعظم نے مشرق وسطیٰ کے تنازعات سیاسی اور سفارتی ذرائع سے حل کرنے پر زور دیا۔

اعلامیے کے مطابق سیاحت کے فروغ سے متعلق سعودی ٹیم جلد پاکستان کا دورہ کرے گی،وزیراعظم نے ولی عہد کو مقبوضہ کشمیر کی صورتحال سے بھی آگاہ کیا۔

وزیراعظم عمران خان نے کہاکہ پاکستان مشرق وسطی میں تنازعات ختم کرنے اور تناؤکم کرنے میں کردار ادا کرتا رہےگااورخطے اور دنیا کے امن کے لئے تمام تر کوششوں میں مدد فراہم کرتا رہے گا۔

مشترکہ اعلامیے کے مطابق سعودی عرب نے پاکستان میں سیاحت کے شعبے کی ترقی میں ہر ممکن تعاون کی پیشکش کی۔ سعودی ٹیم کو جلد پاکستان بھیجنے کا وعدہ بھی کیا۔