وزیراعظم عمران خان نے 50 کروڑ روپے کی لاگت سے تعمیر کیے گئے اضاخیل ڈرائی پورٹ کا افتتاح کر دیا ہے ۔

تفصیلات کے مطابق وزیراعظم عمران خان آج نوشہرہ  پہنچے ہیں ، جہاں انھوں نے اضاخیل ڈرائی پورٹ کا افتتاح کیا ہے ۔

نوشہرہ میں ڈرائی پورٹ کی افتتاحی تقریب سے خطاب کر تے ہو ئے وزیر اعظم کا کہنا ہے کہ اضاخیل ڈرائی پورٹ سے تجارت بڑھے گی ،چین ریلوے ٹیکنالوجی میں سب سے آگے ہے ،پاکستان میں حکومتیں خاص طبقےکےلیےآئیں،ایم ایل ون کے بعد کراچی سےپشاورٹرین 8گھنٹے میں پہنچے گی۔

وزیراعظم عمران خان نے کہا کہ شیخ رشید کو ڈرائی پورٹ کی تعمیر پر مبارکباد دیتا ہوں، ڈرائی پورٹ سے تجارت بڑھے گی، نوکریاں ملیں گی، 70 سال میں کبھی ریلوے پر پیسہ خرچ نہیں کیا گیا، جو پٹریاں انگریز چھوڑ کر گیا اس سے بھی کم ہوگئیں، انگریز ایک زبردست ریلوے نظام دے کرگیا، ریلوے سسٹم کا برا حال ہے۔

 اضاخیل ڈرائی پورٹ پاکستان ریلوے کی جانب سے قائم کیا گیا ہے ، افتتاحی تقریب میں وزیراعلیٰ خیبرپختونخوا ، گورنر خیبرپختونخوا اور وفاقی وزیر ریلوے شیخ رشید بھی شریک ہیں ۔

ذرائع کے مطابق اضاخیل ڈرائی پورٹ میں امپورٹ و ایکسپورٹ کی کلیئرنس ہوگی جبکہ مذکورہ ڈرائی پورٹ میں ٹرانزٹ کارگو بھی شامل ہے اضاخیل ڈرائی پورٹ کا ایریا 3471مرلے پر مشتمل ہے۔

وزیراعظم نے ہنرمند جوان پاکستان پروگرام کا افتتاح کردیا

 ذرائع کے مطابق 50 کروڑ روپے کی لاگت سے تعمیر کیے گئے ڈرائی پورٹ سے افغان ٹرانزٹ ٹریڈ کے لیے سہولت ہو گی۔

واضح رہے کہ گذشتہ دن وزیراعظم عمران خان نے اسلام آباد میں ہنر مندپاکستان منصوبے کا افتتاح کیا تھا ، ہنرمند جوان پروگرام کےتحت لاکھوں نوجوانوں کوفنی تربیت دی جائے گی۔

افتتاحی تقریب سے خطاب کر تے ہوئے وزیر اعظم عمران خان نے کہا تھا کہ نوجوانوں پر خرچ کرکے ملک کو سپر پاور بناسکتے ہیں، نوجوانوں پر خرچ کرنے کے لیے ہنرمند پاکستان پروگرام پہلا قدم ہے، پہلے فیز میں ایک لاکھ 70 ہزار نوجوانوں کو ہنر سکھایا جائے گا، ہنر مند پاکستان پروگرام میں 500 ٹیکنیکل ٹریننگ سینٹر کھولے جائیں گے۔