وزیراعظم کی معاون خصوصی فردوس عاشق اعوان  کہتیں ہیں کہ ایک خاندان لندن میں بیٹھا ہے قوم پرسرار بیماری کی وجہ جاننا چاہتی ہے۔

وزیراعظم کی زیر صدارت اجلاس کے بعد پریس بریفنگ میں فردوس عاشق اعوان نے کہا چائنہ میں موجود پاکستانیوں کو بہترین سہولیات موجود ہیں شاید پاکستان میں ان کو وہ سہولیات نہ دے سکیں۔

فردوس عاشق اعوان کا کہنا تھا حکومت آئین کے مطابق وفاق کے دائرے میں رہ کر تعیناتی کرے گی جبکپ کلیم امام نے کیا حکم عدولی کی ہے وہ سب جانتے ہیں۔

انہوں نے کہا ایک خاندان جو لندن میں مختلف سرگرمیوں میں ملوث ہے، قوم پلیٹلیٹس کے اتار چڑھاؤ کے ساتھ ساتھ پرسرار بیماری کی وجہ جاننا چاہتی ہے۔

نوازشریف کی حتمی رپورٹس 30جنوری کو تیار کی گئیں، ڈاکٹر عدنان

فردوس عاشق اعوان نے بتایا چینی کی برآمد پر فوری پابندی لگا رہے ہیں جبکہ چینی کی درآمد  حکومت امپورٹ فری کرنے جارہی ہے۔

اطلاعات و نشریات کے بارے میں وزیراعظم کی خصوصی معاون نے کہا ہے کہ مسئلہ کشمیر کو موثرانداز میں اجاگر کرنے کے لئے بدھ کو ملک بھر میں یوم یکجہتی کشمیر شایان شان طور پر منایا جائے گا۔

انہوں نے کہا کہ وزیراعظم نے ذرائع ابلاغ پر بھی مسئلہ کشمیر کو مناسب طور پر اجاگر کرنے کی ہدایت کی ہے۔

انہوں نے کہا کہ کشمیریوں کے بنیادی انسانی حقوق غصب کرلئے گئے ہیں اورانہیں مذہبی فرائض ادا کرنے کی اجازت بھی نہیں ہے۔

انہوں نے کہا کہ وزیراعظم نے مسئلہ کشمیر کے بارے میں میڈیا کے کردار کو سراہا ہے اور کشمیریوں کی تحریک آزادی میں شراکت دار بننے پر زور دیا۔

انہوں نے کہا کہ ذرائع ابلاغ کے ذریعے بھارت کے اصل چہرے کو بے نقاب کیا جاناچاہیے۔

خصوصی معاون نے کہا کہ اجلاس میں عوام کو ریلیف کی فراہمی کیلئے کیے گئے اقدامات پر پیش رفت اور اس عمل میں پائی جانے خالی خامیوں کو دور کرنے کا جائزہ لیا گیا۔

فردوس عاشق اعوان نے کہا کہ اجلاس کو آٹے کے بحرا ن میں ملوث عناصر کے خلاف کارروائی کے بارے میں بھی آگاہ کیا گیا۔

دوسری جانب وزیراعظم کی معاون خصوصی ڈاکٹرفردوس عاشق اعوان نے اسلام آبادمیں مقیم غیرملکی ذرائع ابلاغ کے نمائندوں سے گفتگو کرتے ہوئے کی۔

معاون خصوصی نے کہاکہ مقبوضہ کشمیرکی صورتحال قابل مذمت اورعالمی برادری کی فوری توجہ کی متقاضی ہے۔

انہوں نے عالمی ذرائع ابلاغ پرزوردیاکہ وہ بھارتی قابض فوج کی طرف سے مقبوضہ کشمیرمیں انسانی حقوق کی سنگین خلاف ورزیوں خصوصاً گزشتہ سال اگست میں ریاست کا خصوصی درجہ ختم کرنے کے فیصلے کوبے نقاب کریں۔

فردوس عاشق اعوان نے کہاکہ پاکستانی قوم کشمیری عوام کے ساتھ اظہاریکجہتی کیلئے پانچ فروری کو یوم یکجہتی کے طورپرمنارہی ہے جس کامقصددنیاکی توجہ ان کے مصائب کی جانب مبذول کراناہے۔