حافظ سعیدکودہشتگردوں کی مالی معاونت پر11سال قید

ثمرا مظہر

12th Feb, 2020. 04:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حافظ سعیدکودہشتگردوں کی مالی معاونت پر11سال قید

انسداد دہشت گردی عدالت نے حافظ سعید پر فرد جرم عائد کردی

انسداد دہشت گردی عدالت نے دہشتگردوں کی مالی معاونت کرنے کے جرم میں حافظ سعید کو11سال قید کی سزا سنا دی۔

تفصیلات کے مطابق انسداد دہشتگردی عدالت میں سماعت کےدوران جج ارشد حسین بھٹہ نے حافظ سعیدسمیت دیگرملزموں کو کالعدم تنظیموں سے تعلق رکھنےکے جرم میں قید کی سزا سنائی۔

عدالت کی جانب سے حافظ سعید کو11 سال قید سزا کے ساتھ ان پرمجموعی طور پر 30 ہزار روپے جرمانہ بھی عائد کیا ہے۔

عدالت میں حافظ سعید پرکالعدم تنظیموں سے تعلق اور دہشتگردوں کی مالی معاونت کرنے کے الزامات کے تحت مقدمہ کا چالان پیش کیا گیا تھا۔

کمرہ عدالت میں حافظ سعید کے وکیل عمران گل نے الزامات کی مخالفت میں دلائل دیئےجبکہ ڈپٹی پراسکیوٹر جنرل عبدالروف وٹو نے حافظ سعید کے خلاف الزامات کی روشنی میں سزا سنانے کیلئے دلائل دیئے۔

عدالت نے حافظ سعید کو سزا سنانے کے بعد روبکار سپرنٹنڈنٹ ڈسٹرکٹ جیل لاہور کو بھجوا دی۔

خیال رہے کہ حافظ سعیدکیخلاف سی ٹی ڈی لاہوراورگوجرانوالہ نے کالعدم تنظیموں سے تعلق اور دہشتگردوں کی مالی معاونت کے الزامات کے تحت 2 مختلف مقدمات درج کر رکھے ہیں۔