وزیر ریلوے شیخ رشید نے کہا ہےکہ گزشتہ روز کے روہڑی میں رونما ہونے والے حادثے پر شدید دکھ ہے،ڈرائیور بس فلائی اوور سے لیکر نہیں گیا جس کے باعث حادثہ پیش آیا۔ حادثے میں پاکستان ریلوے کی طرف سے کوئی کوتاہی نہیں ہوئی، صوبائی حکومت نے پھاٹک بنانے ہوتے ہیں۔
لاہور میں وزیر ریلوے شیخ رشید نے نیوز کانفرنس کرتے ہوئے کہا کہ 9مارچ سے2 ماہ کیلئے اے سی بزنس، اے سی اسٹینڈر کرایہ کم ہوگا،قوم کیلئے خوشخبری ہے، 10مئی سے ایم ایل ون پر دستخط ہوں گے،کراچی سے پشاور تک تمام ریلوے کراسنگ ختم ہوجائیں گے۔
وزیر ریلوے کا کہناتھا کہ 5سال میں ریلوے کو خسارے سے نکال کرمنافع بخش بنا دیں گے،کوچز بہت پرانی ہوچکی ہیں نئی ٹرینیں لارہے ہیں،تمام ریلوے کراسنگ ختم ہوں گے پھر یہ نئی ریلوے ہوجائے گی، رائل پام کا سپریم کورٹ کی تاریخ کےمطابق ٹینڈر جاری ہوجائے گا۔
شیخ رشید کا کہناتھا کہ امریکا، افغان معاہدہ وزیراعظم عمران خان اور وزیر خارجہ کی کامیابی ہے۔ انہوں نے کہا کہ بھارت میں آگ اور خون کی ہولی کھیلی جارہی ہے۔
ان کا مزید کہناتھا کہ میری سیاست وزارت کی محتاج نہیں، اللہ کی محتاج ہے،جنرل باجوہ پہلے جنرل نہیں جنہوں نے پلی بار ایکسٹینشن لی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News