سرکاری خزانے پر فردوس باجی کا نیا باس بوجھ ہے

شبین رضا

25th Feb, 2020. 10:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سرکاری خزانے پر فردوس باجی کا نیا باس بوجھ ہے

رانا ثنا اللہ نے کہا ہےکہ سرکاری خزانے پر فردوس باجی کا نیا باس بوجھ ہے جو 18 ماہ سے شہباز شریف کے منصوبوں پہ تختیاں لگا رہا ہے۔

تفصیلات کے مطابق لیگی رہنما کی جانب سے وزیراعظم پاکستان کی معاون خصوصی برائے اطلاعات و نشریات فردوس اعوان کے بیان پر رد عمل سامنے آگیا ہے۔

رانا ثنا اللہ نے وفاقی کابینہ کو عمران مافیا قرار دیتے ہوئے کہا کہ اس دور کی کہانی عوام سنا رہے ہیں جن کی روٹی، آٹا، چینی، روزگار اور کاروبار سب چوری ہو گیا۔

دوسری جانب وفاقی وزیر ریلوے شیخ رشید احمد نے کہا ہے کہ وزیراعظم عمران خان کی ایک جیب میں مسلم لیگ ن کے قائد نوازشریف اور دوسری جیب میں شریک چیئرمین پاکستان پیپلز پارٹی آصف علی زرداری ہیں۔

ان خیالات کا اظہار انہوں نے گوجرانوالہ میں گفتگو کرتے ہوئے کیا۔

شیخ رشید کا مزید کہنا تھا کہ وہ مسلم لیگ ن اور پیپلز پارٹی کو نہیں بلکہ بجلی اور گیس کے بلوں کو اپوزیشن سمجھتے ہیں۔