شہید ذوالفقار علی بھٹو کی برسی کی تقریب ملتوی کرتے ہوئے جیئرمین پیپلزپارٹی بلاول بھٹو زرداری کا کہنا ہے کہ بھٹو شہید کو خراج عقیدت پیش کرنے کے لئے 4 اپریل کو ہونے والی پی پی پی کا سالانہ اجتماع مؤخر کردیا گیا ہے۔
پاکستان پیپلزپارٹی کے چیئرمین بلاول بھٹو زرداری نے اپنے ٹویٹر پیغام پر کہا ہے کہ کرونا وائرس کی صورت حال پر آگاہی کے حوالے سے میں نے اجلاس میں شرکت کی ہے جس کی پیش نظر سندھ حکومت کی آگاہی کے بعد ہر فرد کی حفاظت کے تناظر میں مجھے کچھ اہم اعلانات کرنا ہیں۔
I’d like to thank government of Sindh for doing everything in their power to lead an all of government approach to deal with this crisis. This approach is needed in other provinces & at the federal level. I appeal to the PM to please implement CM Sindhs recommendations ASAP. 4/4
— BilawalBhuttoZardari (@BBhuttoZardari) March 17, 2020
انہوں نے کہا ہے کہ پاکستان پیپلزپارٹی تمام غیر ضروری و سیاسی سرگرمیوں کو معطل و مؤخر کررہی ہے۔
ان کا کہنا تھا کہ جیالوں سے درخواست ہے کہ وہ کرونا وائرس کی وبا سے نمٹنے کے لئے لوگوں کی مدد کریں، جیالے آگاہی پھیلائیں اور کمزوروں کی مدد کریں۔
بلاول بھٹو نے کہا کہ جیالوں کے لئے سب سے اہم ہے کہ وہ سماجی دوری کی مشق کریں اور حفظان صحت کے اصولوں پر عمل کریں اور مزید ہدایت کرتے ہوئے کہا ہے کہ جیالوں کو اپنی حکومت کی کاوشوں پر اس کی سپورٹ بھی کرنا ہوگی۔
ان کا کہنا تھا کہ بھٹو شہید کو خراج عقیدت پیش کرنے کے لئے چار اپریل کو ہونے والی پی پی پی کا سالانہ اجتماع مؤخر کردیا گیا ہے اس لئے 4 اپریل کے حوالے سے عوام کو موبلائز کرنے کی تمام سرگرمیاں ملک بھر میں فوری طور پر بند کی جائیں۔
انہوں نے کہا کہ میں سندھ حکومت کا شکرگزار ہوں کہ وہ سب کچھ کررہے ہیں جو ان کے اختیار میں ہے، کرونا وائرس کے بحران سے نمٹنے کے لئے سندھ حکومت تمام حکومتوں سے بہتر ہے۔
ان کا کہنا تھا کہ سندھ حکومت کا طرز عمل دیگر صوبوں اور وفاقی سطح پر نظر آنا چاہئیے اور کہا ہے کہ میں وزیراعظم سے اپیل کرتا ہوں کہ وہ وزیراعلی سندھ کی سفارشات کا فوری نفاذ کریں۔
خیال رہے کہ پیپلز پارٹی نے ذوالفقار علی بھٹو کی برسی تقریب ملتوی کردی گئی ہے جبکہ سابق وزیراعظم ذوالفقار علی بھٹو کی برسی کی تقریب 4 اپریل کو ہوتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News