کراچی  میں پولیس افسر بھی کروناوائرس‘‘ کا شکار ہوگئے  جس کے تصدیق ترجمان سندھ پولیس نے کردی ہے ۔

ترجمان سندھ پولیس  کے مطابق انسپکٹر یاسین گجرکاکوروناوائرس کاٹیسٹ مثبت آیاہے، یاسین گجرانویسٹی گیشن ساوَتھ میں خدمات انجام دےرہےہیں۔

ترجمان سندھ پولیس کا کہنا ہے  کہ ضلع ساؤتھ انویسٹی گیشن میں تعینات کرونا کے مریض انسپکٹر کو اسپتال منتقل کردیا گیا ہے جہاں اسے آئسولیشن میں رکھ کر طبی امداد فراہم کی جارہی ہے۔

ترجمان سندھ پولیس کا مزید کہنا ہے کہ انسپکٹر کا کروناٹیسٹ مثبت آیا اہلخانہ کے ٹیسٹ کیے جارہے ہیں۔

واضح رہے کہ  ملک میں کورونا وائرس کے آج 134 افراد میں مہلک وائرس کی تشخیص ہوئی جن میں سندھ سے 19  ، پنجاب میں 40 اور خیبرپختونخوا میں 57 ، اسلام آباد میں 2 جبکہ گلگت بلتستان میں 16 کورونا وائرس کے کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 1335 تک پہنچ گئی ہے۔

ملک میں کورونا سے صحتیاب مریضوں کی کل تعداد 24 ہو گئی

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 440 ، بلوچستان میں 131 ، خیبرپختونخوا میں 180 ،اسلام آباد میں 27  ، گلگت بلتستان میں 107  ، پنجاب میں 448 اور آزاد کشمیر میں 2  مریض موجود ہے۔

یاد رہے اس سے قبل سندھ  حکومت کے ترجمان مشیر  قانون ، ماحولیات و ساحلی ترقی بیرسٹر مرتضی وہاب  نے سماجی رابطے کی ویب سائٹ ٹویٹر پر اپنے ایک پیغام میں کہا کہ سندھ میں کورونا وائرس سے متاثر مزید 10 مریض صحت یاب ہوگئے جس کے بعد سندہ بھر میں کورونہ وائرس سے صحت یاب ہونے والوں کی تعداد اب 14 ہوگئی ہے ۔