صدر مملکت ڈاکٹر عارف علوی نے کہا ہے کہ زراعت پاکستان کی ریڑھ کی ہڈی کی حیثیت رکھتی ہے، ماضی کی غلطیوں سے ہمیں سیکھنا ہو گا۔
تفصیلات کے مطابق صدر مملکت ڈاکٹر عارف علوی نے قومی اسمبلی سیکرٹریٹ کے زیر اہتمام زراعت پر قومی مکالمے کی افتتاحی تقریب سے خطاب کرتے ہوئے کہا کہ زراعت ہماری قومی معیشت کا معاملہ ہے جو قومیں غذائی تحفظ کاخیال نہیں رکھتیں وہ پریشان رہتی ہیں۔
اپنے بیان میں صدر مملکت نے کہا کہ خوراک کا تحفظ قومی سلامتی سے جڑا ہوا ہے، زرعی شعبے میں جدید تحقیق، انفارمیشن ٹیکنالوجی اور مصنوعی ذہانت کے استعمال سے فی ایکڑ پیداوار میں اضافہ کیا جا سکتا ہے۔
ڈاکٹر عارف علوی نے یہ بھی کہا کہ پیداواری لاگت بڑھنے سے زراعت کا شعبہ متاثر ہوا ہے،بتدریج ہماری فی ایکڑ پیداوار کم ہو گئی ہے۔ زمانہ بدل رہا ہے، کسان اپنی اجناس سٹور نہیں کر سکتا، اس طرف توجہ دینا ہو گی۔
صدر مملکت کا کہنا تھا کہ اگر کل پیداوار کا 5 فیصد کا نقصان ہو جائے تو کسان بہت متاثر ہوتا ہےجبکہ اس طرح ماہی پروری کے شبعے میں نقصان ہوتا تھاپھر سرد خانے بنا ئے گئے اور ان کا مسئلہ حل ہوا۔
ڈاکٹر عارف علوی کا یہ بھی کہنا تھا کہ زراعت میں مصنوعی ذہانت اور انٹرنیٹ کے شعبہ کی اہمیت بڑھ گئی ہے، دنیا میں آبپاشی اور دیگر زرعی امور میں روبوٹ کا استعمال بھی کیا جارہا ہے جبکہ اس طرف توجہ دے کر بھی ہم اپنی زرعی صلاحیت میں اضافہ کر سکتے ہیں۔
صدر مملکت نے کہاکہ حکومت نے اچھے فیصلے کئے ہیں،گنے کی فصل کی بہتری اچھی بات ہے، ہمیں نقد آور فصلوں پر بھی توجہ دینی ہو گی جبکہ زیتون کے لئے پاکستان بہترین جگہ ہے، اس سے ہم اپنی برآمدات میں اضافہ کرسکتے ہیں اور اس پر ملک میں بہت کام بھی ہو رہا ہے۔
اسلام میں طہارت کو بنیادی اہمیت حاصل ہے، صدرمملکت
ڈاکٹر عارف علوی نے یہ بھی کہا کہ فیصل آباد زرعی یونیورسٹی، ٹنڈو جام زرعی یونیورسٹی کی اچھائیوں اور کامیابیوں سے واقف ہوں، اگر ہماری زرعی پیداوار کی اپنی منڈیوں میں اہمیت نہیں ہو گی تو ہمیں اپنی خامیوں پر نظر رکھنا ہو گی۔
صدر مملکت ڈاکٹر عارف علوی نے مزید کہا کہ ہم نے زراعت کے حوالے سے اہم فیصلے کرنے ہیں اور اس کےلئے قومی اتفاق رائے پیدا کرنے کی ضرورت ہےاور ریاست کی ذمہ داری ہوتی ہے کہ فوڈ سکیورٹی کے حوالے سے نیشنل سکیورٹی کو یقینی بنائے کیونکہ خوراک کے تحفظ کا قومی سلامتی سے گہرا تعلق ہے۔
تقریب میں سپیکر قومی اسمبلی اسد قیصر، وفاقی وزرائ، ارکان پارلیمنٹ اور دیگر متعلقہ افراد نے شرکت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News