وزیراعظم عمران خان نے کہا کہ ڈیم فنڈ کے لیے سابق چیف جسٹس نے فنڈریزنگ کی، ڈیم کا پیسہ موجود ہے ابھی استعمال نہیں ہوا اور اسے کورونا ریلیف فنڈ میں استعمال نہیں کیا جائے گا۔

نجی ٹی وی کے پروگرام میں گفتگو کرتے ہوئے ایک سوال کے جواب میں وزیراعظم نے کہا کہ میں پہلے بھی فنڈریزنگ کرسکتا تھا لیکن ہم نے تیاری کی، فنڈ ان پر خرچ ہوگا جو کورونا وائرس کی وجہ سے بےروزگار ہوگئے ہیں، پیسہ ان لوگوں پر خرچ ہوگا جو رجسٹرڈن ہیں ہیں۔

انہوں نے کہا کہ امریکا اور یورپ میں مزدور رجسٹرڈ ہیں ان کی سوشل سیکیورٹی ہے لیکن پاکستان میں80فیصد مزدور رجسٹرڈ ہی نہیں ہیں۔

کورونا ٹائیگرز فورس پر رجسٹریشن صرف سیٹیزن پورٹل ہوگی، عثمان ڈار

یاد رہے کہ اس سے قبلوزیراعظم عمران خان کی ہدایت پر وفاقی حکومت کی جانب سے آئی ڈی پیز اور افغان مہاجرین کیلیے بھی ریلیف پیکیج لانے کا فیصلہ کیا گیا ہے۔

وفاقی وزیر مملکت شہریار آفریدی نے کہا کہ پوری قوم اور پوری دنیا اس وقت کورونا وائرس کا مقابلہ کر رہی ہے۔ قوم بہت جلد کورونا وائرس کو شکست دے گی۔

انہوں نے کہا کہ کل وفاقی کابینہ نے 1200 ارب روپے کے پیکج کا اعلان کیا۔ مشکل گھڑی میں غریب شہریوں کو تنہا نہیں چھوڑیں گے۔

شہریار آفریدی نے کہا کہ وزیر اعظم خود تمام صورتحال کا جائزہ لے رہے ہے۔ کورونا وائرس کی وجہ سے بیرونی ممالک میں پھنسے ہوئے پاکستانیوں کی صورتحال سے آگاہ ہیں۔ جلد تمام پاکستانیوں کو واپس لانے کیلئے اقدامات اٹھائیں گے۔