وزیراعظم کے مشیربرائے خزانہ ومحصولات ڈاکٹر عبدالحفیظ شیخ کی جاپان کے سفیر کونی نوری مستودا سے ملاقات ہوئی ۔
ملاقات میں جاپان کے سفیرکونی نوری مستودا نے وزیراعظم کے مشیرکو کورونا وائرس سے نمٹنے کیلئے جاپان کی حکومت کی طرف سے اب تک اٹھائے جانے والے اقدامات اوران کے مجموعی اثرات سے آگاہ کیا۔
جاپانی سفیرکونی نوری مستودا نے کہاکہ جاپان کی حکومت مشکل کی ان ساعتوں میں پاکستان کومعاونت فراہم کررہی ہے، جاپان ضرورت پڑنے پراورحکومت پاکستان کی درخواست پر ماہرین کی صورت میں اور دیگرنوعیت کی معاونت فراہم کرنے کیلئے تیارہیں۔
جاپان کے سفیرکونی نوری مستودا نے وزیراعظم کے مشیرسے جاپانی سرمایہ کاروں کے ان مسائل پربھی بات چیت کی جوکورونا وائرس کی وباء کی وجہ سے تجارتی اورمعاشی رکاوٹوں کے باعث پیداہوئی ہیں۔
عبدالحفیظ شیخ سے فواد چوہدری کی ملاقات ، ڈیولپمنٹ معاملات پر تبادلہ خیال
پاکستان میں جاپان کے سفیرکونی نوری مستوداسے ملاقات میں گفتگو کرتے ہوئے وزیراعظم کے مشیربرائے خزانہ ومحصولات ڈاکٹرعبدالحفیظ شیخ نے کورونا وائرس کی وباء سے نمٹنے میں پاکستان کے عوام کے ساتھ تعاون پرجاپان کی حکومت کاشکریہ اداکیا ہے۔
واضح رہے اس سے قبل بھی مشیر خزانہ عبدالحفیظ شیخ سے وزیر سائنس و ٹیکنالوجی فواد چوہدری کی ملاقات ہوئی تھی، جس میں پاکستان میں ریسرچ اینڈ ڈیولپمنٹ کے معاملات پر تبادلہ خیال کیا گیا۔
مشیر خزانہ سے ملاقات میں وزیر سائنس و ٹیکنالوجی نے کہا کہ کاروباری برادری ، مختلف یونیورسٹیوں اور تحقیقی اداروں کے مابین رابطے قائم کئے جائیں گے جبکہ اس مقصد کیلئے 1.3 ارب ڈالر کی مالیت کا کیمیکل برآمد کیا جائے گا جو مختلف صنعتی مقاصد کے لئے استعمال ہونگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News