امیر جماعت اسلامی پاکستان سینیٹر سراج الحق کا کہنا ہے کہ حکومت کورونا وائرس سے بچاؤ کے لیے سرعت اور ذمہ داری کا مظاہرہ کرے۔
تفصیلات کے مطابق امیر جماعت اسلامی پاکستان سینیٹر سراج الحق کا کہنا ہے ملک میں کورونا کیسز میں مسلسل اضافہ ہورہا ہے ،حکومت بچاؤ کے لیے سرعت اور ذمہ داری کا مظاہرہ کرے ۔
امیر جماعت اسلامی نے کہا کہ کورونا کے خلاف فرنٹ لائن پر لڑنے والے ڈاکٹرز اور عملہ کی حفاظت کو یقینی بنایا جائے ۔ ڈاکٹرز کے مشورے سے ایک نیا کوڈ آف کنڈکٹ بنانے کی ضرورت ہے۔
سینیٹرسراج الحق نے حکومت سے مطالبہ کیا کہ ڈاکٹرز اور عملے کو معیاری پرسنل پروٹیکشن ایکوپمنٹس (پی پی ای) فراہم کیے جائیں ۔
انہوں نے کہا کہ حکومت ٹائیگر فورس کے لیے خطیر رقم خرچ کرکے چار لاکھ شرٹس بنوار ہی ہے۔یہی رقم ڈاکٹرز اور پیرا میڈیکل سٹاف کی حفاظت کے لیے خرچ کی جاسکتی تھی ۔
امیر جماعت اسلامی نے کہا کہ دیہاڑی دار مزدوروں کے گھروں میں فاقوں کی نوبت آگئی ہے۔ حکومت روزانہ امدادی پیکیج کے اعلانات کرتی ہے مگر ابھی تک کسی کو ایک روپیہ نہیں ملا۔
سینیٹرسراج الحق کا کہنا تھا کہ حکومت فوری طور پر بجلی و گیس کے بلوں کی معافی کا اعلان کرے اور یوٹیلٹی اسٹورز پر آٹے اور چینی سمیت اشیائے خورد ونوش کی دستیابی کو یقینی بنائے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News