امیر جماعت اسلامی پاکستان سینیٹر سراج الحق نے کہا ہے کہ کورونا کے خلاف سیاسی قیادت کو متحد ہونا چاہئے لیکن افسوس وفاقی حکومت اور سندھ حکومت ایک پیج پر نہیں ۔

تفصیلات کے مطابق امیر جماعت اسلامی پاکستان سینیٹر سراج الحق نے اپنے ایک بیان میں کہا کہ اتنی شدید وباء میں بھی ہم نے ملاوٹ اور کرپشن کو نہیں چھوڑا جبکہ اس وباء کے دوران بھی ہماری قیادت ایک پیج پر نہیں اسکی۔

امیر جماعت اسلامی پاکستان سینیٹر نے کہا کہ ہمارے ہاں یہ وباء اچانک نہیں آئی ہم سے پہلے چائنہ، اٹلی ایران میں یہ وباء آئی لیکن ہمارے طرف تو یہ وائرس رینگتے ہوئے آیا ہے۔

سراج الحق نے یہ بھی کہا کہ تافتان سے چلتے ہوئے یہ وائرس پورے پاکستان میں پھیل گیا، پاکستان ایک ایٹمی پاور ہے مگر پھر بھی بائیس کروڑ عوام کیلئے تیرہ سو وینٹیلیٹر موجود نہیں ۔

امیر جماعت اسلامی پاکستان سینیٹر کا کہنا تھا کہ کورونا کے ٹیسٹ مہنگے داموں ہو رہے غریب آدمی کیسے پیسے دیں جبکہ اتنی سخت وباء میں ڈاکٹروں کو بھی ہم حفاظتی کٹس ہم فراہم نہیں کرسکے۔

سراج الحق کا یہ بھی کہنا تھا کہ دور دراز علاقوں میں لیبارٹیاں موجود نہیں ہے جبکہ حکومت کی اولین ترجیح دور دراز علاقوں میں لیبارٹیاں بنانی چاہیئے تھی۔

امیر جماعت اسلامی پاکستان سینیٹر سراج الحق کا مزید کہنا تھا کہ کورونا وائرس سے جاں بحق میتوں کی بے حرمتی ہو رہی، خدارا میتوں کی بے حرمتی نا کی جائے جبکہ کشمیر میں بھارتی فورسز کورونا وائرس کو کشمیریوں کے خلاف ہتھیار کے طور پر استعمال کررہے ہیں۔