مزدوروں کے عالمی دن پر وزیراعظم کا پیغام

شبین رضا

01st May, 2020. 08:42 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مزدوروں کے عالمی دن پر وزیراعظم کا پیغام

وزیراعظم عمران خان نے کہا ہے کہ یکم مئی مزدوری کے تقدس اور وقار کی علامت ہے۔

یوم مزدور کے موقع پروزیر اعظم پاکستان کی جانب سے جاری کردہ پیغام میں کہا گیا ہے کہ یکم مئی اپنے حقوق کے لیے جانیں نچھاور کرنےو الے محنت کشوں کی قربانیوں کی یاد دلاتا ہے۔ یہ دن ملک کی معاشی ترقی کے لیے کارکنوں کی اہمیت کا اعتراف ہے۔

وزیراعظم نے اپنے پیغام میں کہا کہ ہمارا مذہب سماجی انصاف اور لوگوں کے حقوق کے احترام کے اصولوں پر زور دیتا ہے۔ ترقی کے عمل میں محنت کشوں کے حقوق کے اعتراف کا احترام انتہائی ضروری ہے۔

انہوں نے واضح کیا کہ مزدوروں کی فلاح و بہبود کے لیے مربوط نظام تیار کرنا اولین ترجیح ہے۔

وزیر اعظم عمران خان نے اپنے پیغام میں کہا کہ ملک میں کورونا کے پھیلاؤ نے لوگوں کی صحت پر اثرات مرتب کیے ہیں۔ صنعتی شعبے کی بندش سے مزدور طبقے پر براہ راست اثر پڑا ہے۔

انہوں نے کہا کہ وبائی بیماری سے مزدور طبقہ زیادہ متاثر ہوا ہے۔

حکومت نےمزدوروں کیلیے200ارب کا مالی پیکج مختص کیاہے، حکومت نےپیشہ ورانہ تربیت،مہارت سےمتعلق پروگرامز کا آغاز کیاہے، بہتر ہنر سےمزدوروں کو ملک، بیرون ملک ملازمت کے مواقع میسرہوں گے۔