سندھ میں کورونا مریضوں کی تعداد 32 ہزار910 تک پہنچ گئی جبکہ گزشتہ 24 گھنٹے کے دوران 29 مریض جاں بحق ہو گئے۔
تفصیلات کے مطابق وزیر اعلیٰ سندھ سید مراد علی شاہ نے کورونا وائرس کی تفصیلات سے آگاہ کرتے ہوئے کہا کہ آج سندھ میں کورونا کے ایک ہزار 824 نئے کیسز سامنے آئے ہیں جبکہ کراچی میں کورونا وائرس سے متاثرہ افراد کی تعداد 26 ہزار78 ہو گئی ہے۔
انہوں نے کہا کہ آج کراچی میں کورونا کے ایک ہزار 284 نئے کیسز رپورٹ ہوئے۔
سندھ میں کورونا وائرس سے اموات کی تعداد 555 ہو گئی اور گزشتہ 24 گھنٹوں میں 29 مریض انتقال کر گئے۔
مراد علی شاہ نے کہا کہ سندھ میں اس وقت 367 مریضوں کی حالت تشویشناک ہے اور کورونا سے متاثر 56 مریض وینٹی لیٹرز پر ہیں۔
آج سب سے زیادہ 7 ہزار 547 کورونا ٹیسٹ کیے گئے۔
اندرون سندھ سے متعلق بات کرتے ہوئے اُن کا کہنا تھا کہ حیدرآباد میں 73، گھوٹکی 36 اور شکارپور میں 24 نئے کیسز ظاہر ہوئے ہیں جبکہ جامشورو ، کشمور اور کندھ کوٹ میں 13،13 مزید کورونا کیسز سامنے آئے ہیں۔
وزیراعلیٰ سندھ نے کہا ہے کہ قمبر اور شہدادکوٹ میں 10، خیرپور اور دادو میں 9،9 نئے کیسز رپورٹ ہوئے ہیں۔
سید مراد علی شاہ کے مطابق اسی طرح میرپورخاص اور سجاول میں 8،8 اور جیکب آباد میں 7 نئے کیسز ظاہر ہوئے جبکہ نوابشاہ اور بدین میں 4،4 اور سانگھڑ میں 3 نئے کورونا کیسز سامنے آئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News