آن لائن ٹرانسپورٹ سروسز بھی بحال

شبین رضا

02nd Jun, 2020. 01:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آن لائن ٹرانسپورٹ سروسز بھی بحال

کراچی میں آن لائن ٹرانسپورٹ سروسز کو بھی بحال کرنے کی اجازت دے دی گئی۔

تفصیلات کے مطابق صوبائی وزیرٹرانسپورٹ اویس شاہ کا کہنا تھا کہ آن لائن ٹیکسی سروس میں صرف دوافراد کوبیٹھنے کی اجازت ہوگی ،ہنگامی صورتحال میں ٹیکسی میں مزید ایک شخص کو ساتھ بٹھایاجاسکے گا۔

صوبائی وزیرٹرانسپورٹ کے مطابق آن لائن بس سروس کو سیٹ بائے سیٹ سروس چلانےکی اجازت ہوگی،بس میں ایئرکنڈیشن چلانے کی اجازت نہیں ہوگی،جو ٹرانسپورٹر اے سی چلائےگا وہ ایک سیٹ پرایک مسافر بٹھائےگا۔

واضح رہے کہ سندھ حکومت نے اندرون شہر ٹرانسپورٹ چلانے کی بھی اجازت دے دی۔

وزیرٹرانسپورٹ اویس شاہ اور ٹرانسپورٹرز کے درمیان مذاکرات کامیاب ہوگئے جس کے بعد سندھ حکومت نے اندرون شہر ٹرانسپورٹ کھولنے کی اجازت دی۔

اویس شاہ نے مذاکرات کامیاب ہونے کی تصدیق کرتے ہوئے کہا کہ کراچی شہر کے اندر کل سے ٹرانسپورٹ چلانے کی اجازت دے دی ہے۔

وزیر ٹرانسپورٹ کا کہنا تھا کہ گاڑیوں میں اضافی مسافر نہیں بٹھائے جائیں گے، تمام ٹرانسپورٹرز کو ایس او پیز پر عمل کرنا پڑے گا، اگر عمل نہ کیا گیا تو گاڑیاں بند کردی جائیں گی۔