علی پور میں روٹھی بیوی کے نہ ماننے پر شوہر نے اپنے ساتھیوں کے ہمراہ ساس اور بیوی پر فائرنگ کر دی۔

تفصیلات کے مطابق پولیس نے اپنے ایک بیان میں کہا کہ علی پور میں روٹھی بیوی کے نہ ماننے پر شوہر نے ساس اور بیوی پر فائرنگ کی جس کے نتیجے میں زمان رند کی ساس شمشاد مائی اور بیوی رخسانہ بی بی شدید زخمی ہو گئے ہیں۔

پولیس کا کہنا ہے کہ اطلاع ملنے پر پولیس نے موقع پر پہنچ کر زخمیوں کو اسپتال منتقل کیا جہاں انہیں طبی امداد فراہم کی جارہی ہے۔

پولیس کا مزید کہنا ہے کہ ملزم فائرنگ کرنے کے بعد اپنے دو بچوں کو بھی ساتھ لے گیا، ملزمان کی گرفتاری کے لئے ایس ایچ او کی سربراہی میں ٹیم تشکیل دے دی گئی۔

گھریلو ناچاقی پر خاوند کا بیوی اور سالے پر حملہ

واضح رہے اس سے قبل بھی گھریلو ناچاقی پر خاوند نے اپنے بھاہیوں اور دوست کے ساتھ ملکر بیوی اور سالے کو فائرنگ کر کہ زخمی کر دیا تھا۔

پولیس نے کہا تھا کہ جہانگیر کی بیوی نے اپنے گھر والو کو بتایا کہ میرے خاوند نے مجھے مارہ ہے، بیٹی کی شکایت پر جب سسر اور سالہ جب اپنی بہن کہ گھر آئے تو جہانگیر تیش میں آ گیا اور اپنے بھاہیوں کے ساتھ مل کر اپنی بیوی ، سالے پر فائر کر دیے۔

چک جھمرہ پولیس نے یہ بھی کہا تھا کہ واقعہ میں ہونے والے زخیموں کو فوری طور پر ہسپتال منتقل کر دیا جبکہ پولیس واقعہ کی مزید تفتیش کرہی ہے۔