عمران خان 5 سال کی مدت پوری کریں گے شیخ رشید

عمران خان 5 سال کی مدت پوری کریں گے

شبین رضا

10th Jul, 2020. 04:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان 5 سال کی مدت پوری کریں گے

وفاقی وزیر شیخ رشید کا کہنا ہے کہ اپوزیشن وزیراعظم کے خلاف کچھ بھی نہیں کرسکتی، عمران خان 5 سال کی مدت پوری کریں گے۔

تفصیلات کے مطابق وفاقی وزیر ریلوے شیخ رشید نے پریس کانفرنس کرتے ہوئے کہا کہ چیف جسٹس کے فیصلے کے بعد جھاڑو پھرنے جا رہا ہے،شہباز شریف میری پارٹی کا آدمی ہے، جیسا کہوں ویسا کرے گا۔

وفاقی وزیر نے کہا کہ سپریم کورٹ کا 120 احتساب عدالتوں کے قیام کا فیصلہ تاریخی ہے، کل جو فیصلہ آیا ہے میری سیاسی زندگی میں کبھی نہیں آیا، میری سیاسی زندگی میں یہ پاناما سے بڑا فیصلہ ہے، چیف جسٹس نے جتنا بڑا فیصلہ کیا ہے انہیں سلام پیش کرتا ہوں، عدالتی فیصلے سے جھاڑو پھر جائے گا اور آئندہ کا انتخاب شفاف ہوگا، 14 وزارتیں چلائیں مگر مجھے ایک ٹکا نہیں ملا۔

شیخ رشید کا کہنا ہےکہ ریلوے اہم ترین سال میں داخل ہونے جا رہی ہے، ایم ایل ون ریلوے کو نئی زندگی دے گا، حادثات کی کمی کیلئے ایم ایل ون اہمیت کا حامل ہے، ایم ایل ون منصوبے کی ایکنک منظوری دے گی، ایم ایل ون ہی ریلوے کاواحد حل ہے۔

انہوں نے مزید کہا کہ پرسوں تک نالہ لئی کا مسئلہ بھی حل ہو جائے گا۔