کراچی کے تاجروں نے شہر کے بہتر ترین مفاد میں کراچی کو اگلے5سالوں کے لیے فوج کے حوالے کرنے کا مطالبہ کردیا ہے۔
تفصیلات کے مطابق چیئرمین بی ایم جی سراج تیلی نے اپنے ایک بیان میں کہا کہ وفاقی حکومت کا کراچی کو صاف ستھرا کرنے کے عزم کا خیر مقدم کرتے ہیں۔
سراج تیلی کا کہنا ہے کہ کراچی کو بہتر بنانا ہے تو پانچ سال تک فوج کو سونپ دیا جائے جبکہ 20 سے 25سال کے طویل عرصے بعد وفاقی حکومت کا کراچی کے لیے کچھ اچھا کرنے کی نیت سے آناخوش آئند ہے
چیئرمین بی ایم جی نے کہا کہ پچھلے 20سالوں میں تمام سیاسی جماعتوں کا کراچی کو نظر اندازکرنا تباہ کن صورتحال پیدا کرنے کا بنیادی سبب ہے، تمام سیاسی جماعتیں جو نوے کی دہائی سے آج تک برسر اقتدار رہی وہ کسی بھی قسم کی ہمدردی کی مستحق نہیں۔
سراج تیلی نے یہ بھی کہا کہ صر ف فوج کی نگرانی میں ہی کراچی کے انفرااسٹرکچرو دیگر مسائل کا حل ممکن ہے جبکہ صفائی مہم کے آغاز کو صرف دو دن ہی گزرے ہیں اور این ڈی ایم اے، ایف ڈبلیو او کی سخت محنت کی وجہ سے فرق صاف ظاہر ہے
چیئرمین بی ایم جی کا کہنا تھا کہ صفائی مہم صرف نالوں کی صفائی تک محدود نہیں رہنا چاہیے بلکہ کراچی کے ہر کونے اور گوشے کو ہنگامی بنیادوں پر کچرے سے صاف کرنا ہوگا۔
وزیراعظم کی ہدایت پر کراچی میں برساتی نالوں کی صفائی مہم شروع
اپنے بیان میں سراج تیلی کا یہ بھی کہنا تھا کہ مستقل بنیادوں پر شہر کی صفائی وستھرائی کو صرف فوج کی نگرانی میں ہی برقرار رکھنا ممکن ہے۔
چیئرمین بی ایم جی نے کہا کہ این ڈی ایم اے اور ایف ڈبلیو او کو انفرااسٹرکچر کی تعمیر نو باالخصوص کراچی کے خستہ حال روڈ نیٹ ورک کو بہتر بنانے کا ٹاسک بھی دیا جائے۔
سراج تیلی نے یہ بھی کہا کہ مقامی انتظامیہ کراچی والوں کو درپیش مشکلات کو کم کرنے میں بری طرح ناکام ہوچکی ہے جبکہ کراچی والوں اور کاروباری و صنعتی برادری کا مقامی انتظامیہ کی صلاحیتوں پر مکمل طور پر اعتماد ختم ہوچکا ہے
چیئرمین بی ایم جی سراج تیلی نے مزید کہا کہ کراچی کو فوج کے حوالے کرنا ناگزیر ہے بصورت دیگر شہر کی تباہ کن صورتحال ملکی معیشت پراثرانداز ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News