ؤسیکریٹری اطلاعات پاکستان پیپلز پارٹی سینیٹر مولابخش چانڈیو نے کہا ہے کہ ہماری حکومت کے پاس بھارتی مظالم کا جواب صرف پانچ منٹ کی خاموشی ہے۔
تفصیلات کے مطابق سیکریٹری اطلاعات پاکستان پیپلز پارٹی سینیٹر مولابخش چانڈیو نے اپنے ایک بیان میں کہا کہ گھر بیٹھے تقریریں اور تجزیہ کرنے سے مسئلہ کشمیر اجاگر نہیں ہوتا، مودی کشمیر ہڑپ کر گیا اور خان صاحب سفارتکاری کی بجائے تجزیہ کاری میں لگے رہے۔
سیکریٹری اطلاعات پاکستان پیپلز پارٹی نے کہا کہ ایک سال ہو گیا محاصرے کو اور ہمارے وزیراعظم سوائے مودی کے تاریخ بتانے کی اور کوئی قدم نہ اٹھا سکے۔
مولابخش چانڈیو نے یہ بھی کہا کہ سوائے چند دوست ممالک کے آج کوئی بھی ہمارے ساتھ نہیں کھڑا جبکہ قوم ، تمام ادارے کشمیر کاز کے ساتھ اسی جذبے کے ساتھ کھڑے ہیں ۔
سیکریٹری اطلاعات پاکستان پیپلز پارٹی سینیٹر کا کہنا تھا کہ حکومت کی ناکام خارجہ پالیسی نے کشمیر کاز کو ناقابل تلافی نقصان پہنچایا ہے جبکہ پاکستان کو دنیا میں تنہا کر رکھا ہے۔
ٓآصف زرداری پاکستان کے مدبر سیاسی قائد ہیں، مولابخش چانڈیو
مولابخش چانڈیو کا یہ بھی کہنا تھا کہ کشمیر کا مسئلہ اجاگر کرنے اور بھارت کو تنہا کرنے کیلئے جارحانہ سفارتکاری کی ضرورت ہے۔
سیکریٹری اطلاعات پاکستان پیپلز پارٹی سینیٹر مولابخش چانڈیوکا مزید کہنا تھا کہ کشمیری عوام اپنا خون بہا رہے ہیں، وادی ایک سال سے جیل بنی ہوئی ہے، ہماری حکومت کے پاس بھارتی مظالم کا جواب صرف پانچ منٹ کی خاموشی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News