لاہور ، مختلف علاقوں میں صبح سویرے شدید بارش

شبین رضا

20th Aug, 2020. 09:31 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور ، مختلف علاقوں میں صبح سویرے شدید بارش

لاہور کے مختلف علاقوں میں صبح سویرے شدید بارش ، ہر طرف پانی ہی پانی ، نشیبی علاقوں میں پانی جمع ہوگیا۔

تفصیلات کے مطابق باغوں کے شہر لاہورمیں رات سے شروع ہونے والا بارش کا سلسلہ تھم نہ سکا، وقفے وقفے سے جاری بارش سے ہر طرف پانی ہی پانی جمع ہوگیا۔

ذرائع کے مطابق شدید بارش کے باعث سڑکیں ڈوب گئیں، انڈر پاس بھر گئے، کئی گاڑیوں اور موٹر سائکلیں خراب ہوگئیں۔

اس کے ساتھ ساتھ نشیبی علاقوں میں بھی پانی گھروں میں داخل ہونے سے لوگوں کو نقصان ہوا۔

آج صبح سویرے راولپنڈی، اسلام آباد، قصور ،گجرات، ملکوال، منڈی بہاءالدین، جہلم، مانسہرہ اور آزاد کشمیر کے مختلف علاقوں میں بارش ہوئی ، جس کے باعث بعض علاقوں میں پانی جمع ہوگیا۔

محکمہ موسمیات کے مطابق دارالحکومت اسلام آباد، پنجاب، خیبرپختونخوا، کشمیر اور گلگت بلتستان میں آج بارش ہوسکتی ہے۔

شمال مشرقی بلوچستان اور جنوب مشرقی سندھ میں بھی کہیں کہیں بادل برس سکتے ہیں۔