لاہور کے مختلف علاقوں میں صبح سویرے شدید بارش ، ہر طرف پانی ہی پانی ، نشیبی علاقوں میں پانی جمع ہوگیا۔
تفصیلات کے مطابق باغوں کے شہر لاہورمیں رات سے شروع ہونے والا بارش کا سلسلہ تھم نہ سکا، وقفے وقفے سے جاری بارش سے ہر طرف پانی ہی پانی جمع ہوگیا۔
ذرائع کے مطابق شدید بارش کے باعث سڑکیں ڈوب گئیں، انڈر پاس بھر گئے، کئی گاڑیوں اور موٹر سائکلیں خراب ہوگئیں۔
اس کے ساتھ ساتھ نشیبی علاقوں میں بھی پانی گھروں میں داخل ہونے سے لوگوں کو نقصان ہوا۔
آج صبح سویرے راولپنڈی، اسلام آباد، قصور ،گجرات، ملکوال، منڈی بہاءالدین، جہلم، مانسہرہ اور آزاد کشمیر کے مختلف علاقوں میں بارش ہوئی ، جس کے باعث بعض علاقوں میں پانی جمع ہوگیا۔
محکمہ موسمیات کے مطابق دارالحکومت اسلام آباد، پنجاب، خیبرپختونخوا، کشمیر اور گلگت بلتستان میں آج بارش ہوسکتی ہے۔
شمال مشرقی بلوچستان اور جنوب مشرقی سندھ میں بھی کہیں کہیں بادل برس سکتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News