مفتی عبدالقوی کی ایک اور متنازعہ ویڈیو وائرل
معروف عالم دین مفتی عبدالقوی کی ایک اور متنازعہ ویڈیو وائرل ہوگئی۔...
تنازعات کے شکار مفتی قوی کی جانب سےآئندہ کسی بھی خاتون کے ساتھ تصویر نہ لینے کا وعدہ کرلیا گیا ہے۔
تفصیلات کے مطابق بول کے پروگرام ’’ ایسے نہیں چلے گا ‘‘میں گفتگو کہا ہے کہ میں حلفاً کہہ سکتا ہوں کہ میں ایسا لباس کبھی نہیں پہنتا ہوں۔
انہوں نے کہا ہے کہ میں نے بابری مسجد اور مودی پر تنقید کی جس پر کچھ لوگوں نے میری ویڈیو کو مہارت کے ساتھ ایڈٹ کیا تھا لیکن انہوں نے بعد میں مجھ سے معافی بھی مانگی ہے۔
بول کے پروگرام میں مفتی عبدالقوی نے آئندہ کسی بھی خاتون کے ساتھ تصویر نہ لینے کا وعدہ بھی کیا ہے۔
مفتی قوی حال ہی میں وائرل ہونے والی ویڈیو کی وجہ سے تنازعات کا شکار ہوئے ہیں جبکہ ان کی جانب سے تمام الزامات کی تردید کردی گئی ہے۔
یاد رہے کہ اس سے قبل معروف عالم دین مفتی عبدالقوی کی ایک اور متنازعہ ویڈیو وائرل ہوئی تھی جس میں وہ ایک غیرملکی خاتون کے ساتھ رقص کرتے ہوئے نظر آ رہے ہیں۔
اس ویڈیو کے حوالے سے بول نیوز سے گفتگو کرتے ہوئے مفتی عبدالقوی نے اس ویڈیو کو جعلی قرار دے دیا ہے۔
مفتی قوی کا کہنا ہے کہ لندن میں ن لیگ کے میٹرو پول چینل نے یہ ویڈیو وائرل کی ہے۔ چینل کے مالک حماد کا رات مجھے فون آیا ہے کہ ہم ویڈیو ڈیلیٹ کررہے ہیں۔
انہوں نے کہا کہ چینل میں ایک ہندو لڑکا کام کرتا ہے ،اس نے یہ ویڈیو وائرل کی ہے ۔ چینل کے مالک نے کہا ہے کہ ہم لڑکے کو فارغ کررہے ہیں۔
مفتی قوی نے مزید کہا کہ میں نے آج تک کالے رنگ کی قمیض نہیں سلوائی۔ قیمض جسم کے ساتھ جڑی اور ٹائٹ لگ رہی ہے جبکہ میں کھلے کپڑے پہنتا ہوں۔
انہوں نے کہا کہ میری گردن کسی کے جسم پر لگا کر ویڈیو بنائی گئی ہے ۔ویڈیو کا حقیقت سے کوئی تعلق نہیں ہے۔
مفتی قوی نے کہا کہ مخالفین نے چائنہ پاکستان دشمنی اور اطالوی خاتون کو کلمہ پڑھانے کی رنجش پر ایسا کیا ہے۔ میں پانچ دن سے ملتان میں بیٹھا ہوں ، ویڈیو میرے خلاف سازش ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News