وفاقی وزیر برائے توانائی عمر ایوب خان نے کہا ہے کہ کراچی میں گیس قلت کی ذمہ دار سندھ حکومت ہے۔

تفصیلات کے مطابق وزیر توانائی عمر ایوب خان نے سماجی رابطے کی ویب سائٹ پر اپنے ٹویٹ پیغام میں شہر قائد میں گیس کی قلت کا ذمہ دار سندھ حکومت کو ٹہرایا ہے۔

وفاقی وزیر نے کہا ہے کہ سندھ حکومت سوئی سدرن کو نئی گیس پائپ لائن بچھانے کیلئے رائٹ آف وے کی اجازت نہیں دے رہی اسی لئے گیس کی درست فراہمی میں دشواری پیش آرہی ہے۔

Gas shortage in Karachi is directly due to Govt of Sind not giving Right of Way for a new SSGC Line. Have been after Govt of Sind since the last 1.5 years but they have not budged. We are already giving 100 MMCFD RLNG to KE & need the new line for additional supply.

Advertisement

— Omar Ayub Khan (@OmarAyubKhan) September 22, 2020

اس ضمن میں انہوں نے بتایا ہے کہ گزشتہ ڈیڑھ سال کی کوشش کے باوجود سندھ حکومت کی جانب سے اجازت نہیں دی گئی ہے۔

ان کا کہنا تھا کہ وفاقی حکومت کے الیکٹرک کو ایل این جی سے 100 ملین ایم ایم سی ایف ڈی گیس یومیہ فراہم کر رہی ہے تاہم کے الیکٹرک کو مزید گیس فراہمی کیلئے نئی پائپ لائن کی ضرورت ہے۔

یاد رہے کہ سوئی سدرن گیس کمپنی کا شارٹ فال 150 ایم ایم سی ایف ڈی تک پہنچ گیا ہے۔

اس ضمن میں ترجمان سوئی سدرن کا کہنا ہے کہ گیس کی کمی کے باعث ہفتے میں تین دن سی این جی اسٹیشنز کو گیس سپلائی معطل کی جارہی ہے جبکہ سردیوں میں سندھ میں سوئی گیس کو 300 ایم ایم سی ایف ڈی کمی کا سامنا ہوگا۔

ترجمان کا کہنا ہے کہ ایس ايس جی سی کے گیس سسٹم  میں گیس کم موصول ہو رہی ہے جبکہ شارٹ فال ہو نے سے لاٸن پیک کی صورتحال متاثر ہوٸی ہے اور حکومت کی طرف سے طے شدہ لوڈ مینیجمنٹ کے طریقہ کار  پر عمل کیا جا رہا ہے۔

ترجمان نے واضح کیا ہے کہ گھریلو صارفین کو گیس پہنچانا اولین ترجیحات میں شامل ہے۔