پاکستانی جیلوں میں گنجائش سے زائد قیدیوں کا انکشاف

شہباز احمد

03rd Sep, 2020. 03:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستانی جیلوں میں گنجائش سے زائد قیدیوں کا انکشاف

پاکستانی جیلوں میں گنجائش سے زائد قیدیوں کا انکشاف ہوا ہے۔

پاکستانی جیلوں میں موجود قیدیوں کی حالت زار سے متعلق جیل اصلاحات رپورٹ نے بڑے انکشافات کردیے۔

رپورٹ میں بتایا گیا کہ پاکستانی جیلوں میں قیدیوں کی گنجائش 56 ہزار جبکہ جیلوں میں 77 ہزار قیدی موجود ہیں۔جیلوں میں موجود قیدیوں کی حالت زار انتہائی تشویشناک ہے۔

رپورٹ میں مزیدبتایا گیا کہ 2400 کے قریب قیدی ایچ آئی وی اور ہیپاٹائٹس سمیت دیگر خطرناک بیماریوں کا شکار ہیں جبکہ 2100 قیدیوں کی جسمانی حالت درست نہیں ہے۔

رپورٹ میں انکشاف کیا گیا کہ 600 قیدی ذہنی طور پر بیمار ہیں۔

رپورٹ کے مطابق جیلوں میں انڈر ٹرائل قیدیوں کی تعداد 50 فیصد سے بھی زیادہ ہے۔ خیبرپختونخوا میں 71 فیصد اور سندھ میں 70 فیصد قیدی انڈر ٹرائل ہیں۔

اس کے علاوہ بلوچستان میں 59 فیصد اور پنجاب میں 55 فیصد قیدیوں پر تاحال جرم ثابت نہیں ہوسکا۔