برطانیہ کے ہائی کمشنر ڈاکٹرکرسچن ٹرنر نےاپنے ویڈیو بیان میں کہا ہے کہ یہ افغانستان کو پہلے سے زیادہ پرامن اور محفوظ بنانے کا ایک بہت بڑا موقع ہے۔
تفصیلات کے مطابق پاکستان میں برطانوی ہائی کمشنر ڈاکٹر کرسچن ٹرنر نے اپنے ویڈیو بیان میں کہا ہے کہ میں آج پشاور کے پہلے دورے پر آیا ہوں برطانوی امداد سے لوگوں کی زندگیوں کو بہتر بنانے میں مدد کی جا رہی ہے۔
کرسچن ٹرنر نے کہا ہے کہ برطانیہ اور خیبرپختوخواہ صوبے کے مابین مزید تعاون کے مواقع دیکھ کر خوشی ہوئی ہے۔
کرسچن ٹرنر کا کہنا تھا کہ برطانیہ خیبر پختونخواہ میں بنیادی سہولیات کی فراہمی، کورونا اور سیلاب میں مدد جاری رکھے گا کیونکہ یہ افغانستان کو پہلے سے زیادہ پرامن اور محفوظ بنانے کا ایک بہت بڑا موقع ہے۔
انہوں نے کہا ہے کہ معیشت کی ترقی کے لیے خواتین کی شمولیت اور ان کو بااختیار بنانا ضروری ہے، لڑکیوں کی بارہ سالہ تعلیم بہت ضروری ہے۔
برطانوی ہائی کمشنر نے کہا کہ ان تمام شعبوں میں اگر تعاون کیا جائے تو معیشت کو بہتر کیا جا سکتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News