آئی ایم ایف اور اسحاق ڈار میں نویں جائزے کے مذاکرات پر ڈیڈ لاک برقرار
عالمی مالیاتی ادارے (آئی ایم ایف) اور اسحاق ڈار میں نویں جائزے...
کنٹونمنٹ بورڈ کلفٹن (سی بی سی) کے دفتر کے باہر مظاہرہ کرنے والوں کے خلاف مقدمہ درج کرلیا گیا۔
تفصیلات کے مطابق کراچی میں کلفٹن کنٹونمنٹ بورڈ کے دفتر کے باہر احتجاج کے معاملے پر سی بی سی سیکیورٹی سپر وائزر کی مدعیت میں درخشان تھانے میں مقدمہ درج کرادیا گیا ہے۔
مقدمے کے متن میں کہا گیا ہے کہ 31 اگست کو دوپہر 12 بجے 40 سے 50 افراد دفتر کے باہر احتجاج کرنے آئے ، مظاہرہ کرنے والے افراد کے ہمراہ شر پسند عناصر شامل تھے۔
مقدمے کے متن میں مزید کہا گیا ہے کہ شر پسند افراد نے دفتر کے شیشے توڑے اور املاک کو نقصان پہنچایا ، گیٹ پر موجود گارڈز سے ہاتھا پائی کی اور مشتعل افراد نے زبردستی دفتر میں گھس کر توڑ پھوڑ کی جبکہ شر پسند عناصر کی جانب سے عملے کو دھمکیاں بھی دی گئی۔
پولیس کے مطابق مقدمے میں شامل افراد کی تلاش شروع کردی گئی ہے اور سی بی سی کے دفتر کے قریب کیمروں کی فوٹیج منگوائی ہے۔
واضح رہے کہ گذشتہ دنوں بارش کے پانی میں گھرے ڈيفنس اور کلفٹن کے رہائشیوں کا صبر جواب دے گیا تھا جس کے بعد انہوں نے کنٹونمنٹ بورڈ کلفٹن کے دفتر کے سامنے احتجاج کرتے ہوئے شدید نعرے بازی کی تھی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News