ایل او سی پر بھارتی فوج کی بلا اشتعال فائرنگ، 18 سالہ لڑکی شہید
لائن آف کنٹرول پر بھارتی فوج کی بلا اشتعال فائرنگ سے 18...
لائن آف کنٹرول(ایل او سی) پر سیز فائر کی خلاف ورزی کرنے پر پاکستان نے بھارت سے شدید احتجاج کیا۔
ترجمان دفتر خارجہ کے مطابق لائن آف کنٹرول(ایل او سی) پر سیز فائر کی خلاف ورزی کرنے پر پاکستان نے سینئر بھارتی سفارتکار کو دفتر خارجہ طلب کر کے احتجاج ریکارڈ کرایا ۔
ترجمان دفتر خارجہ کا کہنا ہے کہ بھارت کی قابض افواج نے گذشتہ روز کنٹرول لائن کے جندروٹ سیکٹر میں بلااشتعال فائرنگ کی جس سے دو شہری شدید زخمی ہوئے۔
ترجمان نے کہا کہ بھارت کی اس طرح کی بے وقوفانہ حرکتیں 2003 کے سیز فائر معاہدے کی صریح خلاف ورزی ہیں۔ بھارت کنٹرول لائن اور ورکنگ بارڈر پر تناؤ بڑھا کر مقبوضہ جموں و کشمیر میں انسانی حقوق کی سنگین صورتحال سے توجہ ہٹا نہیں سکتا۔
ترجمان دفتر خارجہ کا کہنا ہے کہ رواں برس بھارت نے اب تک فائر بندی انتظام کی 2530 خلاف ورزیاں کی ہیں۔ رواں برس بھارتی اشتعال انگیزیوں میں 19 معصوم شہری شہید اور 197 شدید زخمی ہوئے۔
انہوں نے کہا کہ بھارتی فورسز مسلسل لائن آف کنٹرول، ورکنگ باونڈری پر شہری آبادی کو نشانہ بنا رہی ہیں۔ بھارت کا معصوم شہریوں کو جان بوجھ کر نشانہ بنانا قابل مذمت ہے۔
ترجمان دفتر خارجہ نے کہاکہ بھارت کی پے در پے اشتعال انگیزیاں خطے میں امن و سلامتی کے لیے خطرہ ہیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News