صدر مملکت اور وزیراعظم کی قوم کو عید میلادالنبیؐ کی مبارکباد

شبین رضا

30th Oct, 2020. 10:54 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر مملکت اور وزیراعظم کی قوم کو عید میلادالنبیؐ کی مبارکباد

صدر مملکت ڈاکٹر عارف علوی اور وزیراعظم عمران خان نے عید میلادالنبیؐ کے موقع پر اپنے پیغام میں کہا ہے کہ آپؐ کی بے مثل تعلیمات انسانوں کیلئے مشعل راہ ہیں۔

تفصیلات کے مطابق وزیراعظم نے حضرت محمدؐ خاتم النبین کے یوم ولادت پر قوم کو مبارکباد دیتے ہوئے کہا ہےکہ آپؐ کی حیات مبارکہ جہد مسلسل اور انسانیت کی رہنمائی ہے، آپﷺ نے بے مثال فلاحی ریاست قائم کر کے دکھائی، عدل و انصاف، مذہبی و سماجی آزادی کا عملی نمونہ ریاست مدینہ تھی، مغرب نے ریاست مدینہ سے رہنمائی لے کر انسانی فلاح کیلئے کام کیا۔

وزیراعظم نے کہا کہ کوشش ہے ریاست مدینہ کے تصور سے مکمل رہنمائی حاصل کریں، وطن عزیز کو فلاحی ریاست کے سانچے میں ڈھالیں گے۔

صدر مملکت نے کہا کہ عدل وانصاف، مذہبی و سماجی آزادی کا عملی نمونہ ریاست مدینہ تھی، کوشش ہے کہ ریاست مدینہ کے تصور سے مکمل رہنمائی حاصل کریں۔

ان کا مزید کہنا تھا کہ وطن عزیز کو فلاحی ریاست کے سانچے میں ڈھالیں گے ،جس کیلئے سفرکا آغاز کردیا ہے اور اب منزل زیادہ دور نہیں۔