وزیر اعلی خیبر پختونخوا محمود خان نے جنوبی وزیرستان کا دورہ کیا ہے جس میں وزیر اعلی نے 41 کلومیٹر لمبی کوٹکئی، کراما، کانیگرام سڑک کا افتتاح کیا ہے۔
اس ضمن میں وزیر اعلیٰ خیبر پختونخوا محمود خان نے کہا ہے کہ قبائلی اضلاع کے انضمام کا تقریباً تمام عمل احسن انداز میں مکمل ہو چکا ہے اب حکومت ان اضلاع کی تیز رفتار ترقی پر توجہ دے رہی ہے۔
َوزیر اعلی خیبر پختونخوا @IMMahmoodKhan کا دورہ جنوبی وزیرستان
وزیراعلیٰ خیبر پختونخوا محمود خان نے 41 کلومیٹر کوٹکئی تا کانیگرام روڈ کا افتتاح کردیا۔#KPKUpdates pic.twitter.com/oZa1ozYeNb
Advertisement— PTI KP (Official) (@PTIKPOfficial) November 12, 2020
محمود خان نے کہاکہ قبائلی عوام پر گزرے مشکل حالات کا بخوبی اندازہ ہے جس کے ازالے کے لیے تمام وسائل بروئے کار لائے جا رہے ہیں۔
وزیر اعلیٰ کا کہنا تھا کہ قبائلی اضلاع میں تعلیم اور صحت کے شعبوں میں متعدد ترقیاتی منصوبوں پر کام جاری ہے جبکہ علاقے میں زراعت کی ترقی کے لئے چھوٹے ڈیموں کی تعمیر پر بھی کام کیا جائے گا، علاقے میں سیاحت کے فروع کے لئے بھی منصوبے شروع کئے جائیں گے تاکہ علاقے کی خوبصورتی سے بھی استفادہ کیا جا سکے۔
یاد رہے کہ اس دوران وزیر اعلی خیبر پختونخوا محمود خان نے اپنے دورہ جنوبی وزیرستان میں کٹیگری ڈی اسپتال توئی خولہ کا افتتاح بھی کیا ہے۔
وزیر اعلی نے اسپتال کے مختلف شعبوں کا دورہ کیا ہے، 40 بستروں پر مشتمل اس ہسپتال میں چھ مختلف شعبوں میں علاج معالجے کی معیاری سہولیات فراہم ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News