وفاقی وزیر اطلاعات شبلی فراز کا کہن ہے کہ گلگت بلتستان کے عوام نے تحریک انصاف کے حق میں اپنا فیصلہ دے دیا ہے۔
وفاقی وزیر اطلاعات شبلی فراز کا پریس کانفرنس کرتے ہوئے کہنا تھا کہ گلگت بلتستان انتخابات کی مہم میں سب جماعتوں نے حصہ لیا لیکن جی بی کے عوام نے تحریک انصاف کے حق میں اپنا فیصلہ دے دیا ہے۔
شبلی فراز نے کہا کہ اپوزیشن جماعتوں نے اپنے دور میں جی بی کے مسائل کے حل کےلیے کچھ نہیں کیا،جی بی کے عوام اپوزیشن سے خوش نہیں ہیں۔ اپوزیشن خود دھاندلی کا الزام لگا کر شکست مان چکی ہے۔
انہوں نے مزید کہا کہ پی ٹی آئی کے امیدوار الیکشن جیتیں گے۔ میڈیا اپوزیشن کے ڈھونگ کو بے نقاب کرے جو ابھی سے دھاندلی کا رونا رو رہی ہے۔
وفاقی وزیر اطلاعات نے کہا کہ اپوزیشن وہی الیکشن درست مانتی ہے جس میں وہ جیتیں، ججز وہ اچھے ہیں جو ان کے حق میں فیصلہ دیں۔
شبلی فراز نے کہا کہ وزیراعظم عمران خان 22سال کی جدوجہد کے بعد اقتدار میں آئے ہیں۔ ان کی قیادت میں کورونا کے باوجود معاشی صورتحال بہتری کی جانب گامزن ہے، اشیاء کی قیمتوں میں کمی کے لیے اقدامات جاری ہیں۔
انہوں نے کہا کہ پاکستان میں عدم استحکام پیدا کرنے کی بھارتی کوششیں پہلے کی طرح ناکام ہوں گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News