مسلم لیگی رہنما مریم نواز نے جلسے میں شرکت کرنےوالی عوام سےماسک لازمی پہننےکی اپیل کی ہے۔

تفصیلات کے مطابق مسلم لیگ ن کی مرکزی نائب صدر اور سابق وزیراعظم نواز شریف کی صاحبزادی مریم نوازنے سماجی را بطے کی ویب سائٹ ٹو ئٹر پر جا ری اپنے پیغام میں اپیل کرتے ہوئے کہا ہے کہ براہ کرم بطور ذمہ دار شہری اپنی حفاظت کے لئے ماسک پہننا یاد رکھیں، اپنے اوراپنےپیاروں کیلیےتاریخی جلسے کے دوران ماسک پہنیں۔

Dear All, as responsible citizens, please remember to wear a mask for your own safety & that of your dear ones, at all times, before, during & after what is going to Insha’Allah a historic jalsa.
Thank You 🙏🏻

Advertisement

— Maryam Nawaz Sharif (@MaryamNSharif) December 13, 2020

مریم نواز نے مزید لکھا کہ جلسے سے پہلےاوربعد میں بھی ماسک پہن کر رکھیں۔

دوسری جانب مسلم لیگی رہنما مریم اورنگزیب نے کارکنوں سے اپیل کی ہے کہ وہ کوئی بھی زندہ جانور ساتھ ریلی میں نہ لائیں۔

 مسلم لیگ ن کی ترجمان مریم اورنگزیب  کا کہنا ہے کہ پارٹی قیادت نے سختی سے ہدایت کی ہے شیر یا کوئی جانور جلسوں میں ہرگز نہ لائیں، یہ طرز عمل قانون کے مطابق نہیں ہے۔

واضح رہے کہ گزشتہ روز محکمہ وائلڈ لائف پنجاب نے لاہور میں مریم نوازکی ریلی میں زندہ شیر لانے والے دو افراد کو گرفتار کیا ہے اور شیر کو تحویل میں لے کر چڑیا گھر منتقل کردیا گیا ہے۔

ترجمان محکمہ وائلڈ لائف کے مطابق ملزمان جمعرات کو مریم نوازکی ریلی میں زندہ شیر لے آئے تھے ۔

مرکزی ملزم امداد نے لکشمی چوک میں ریلی کےدوران اپنی گاڑی پرشیر کی نمائش کی جو قانون کے تحت جرم ہے۔

پولیس کا اس سلسلے میں کہنا ہے کہ لوگوں کے ہجوم میں زندہ شیر لانے پر ملزم امداد سمیت 5 افراد پر 80ہزار روپے جرمانہ کیا گیا ہے۔