وزیراعظم عمران خان نے کہا ہے کہ ملک بھر مین کرپشن کو روکنے کی ترامیم کے مخالف قوم کے سامنے بے نقاب ہوں گے۔

تفصیلات کے مطابق وزیراعظم عمران خان نے ساہیوال میں صحافیوں سے گفتگو کرتے ہوئے کہا ہے کہ سارے ڈاکو مل کر مجھے بلیک میل کر رہے ہیں لیکن پی ڈی ایم نے فیل ہی ہونا تھا۔

وزیراعظم کا کہنا تھا کہ سینیٹ انتخابات میں اوپن بیلیٹنگ کیلئے آئینی ترمیم کا رہے ہیں اور کرپشن کو روکنے کی ترامیم کے مخالف قوم کے سامنے بے نقاب ہوں گے۔

وزیراعظم کا کہنا تھا کہ آج خود کو مستقبل کا لیڈر کہنے والی مریم نواز قبضہ مافیا کی حمایت کر رہی ہیں جبکہ ان کے دور میں ہر سیاسی رہنماء نے سرکاری زمینوں پر قبضے کئے کیونکہ سیاسی پشت پناہی کے بغیر سرکاری زمینوں پر قبضہ نہیں ہو سکتا ہے۔

انہوں نے کہا ہے کہمیں نے ٹرانسپرنسی انٹرنیشنل کی رپورٹ نہیں پڑھی ہے لیکن پھر بھی بڑے بڑے ڈاکووں اور قبضہ مافیا کو نہیں چھوڑا جائے گا۔

وزیراعظم عمران خان کا کہن اتھا کہ فارن فنڈنگ میں ہمیں پھنسانے والے اب خود پھنس چکے ہیں اور چیلنج کرتا ہوں یہ جماعتیں اپنے اکاؤنٹس کی تفصیلات بھی نہیں دے سکتیں ہیں۔

انہون نے کہا کہ ہم نے الیکشن کمیشن میں 40 ہزار اکاونٹس کا ڈیٹا دیا ہے اور اب اکاونٹس کی اسکروٹنی ہوئی تو تحریک انصاف کے اکاونٹس شفاف نکلیں گے۔

انہوں نے مزید کہا ہے کہ جس فورم پر پوزیشن کے خلاف فیصلہ آئے وہ اس کو نہیں مانتے جس کا ثبوت یہ  ہے کہ نیب ان کی کرپشن پکڑ رہی ہے یہ نیب کو بھی نہیں مانتے ہیں۔