وزیراعظم عمران خان کے بلین ٹری سونامی منصوبےکو عالمی سطح پر پذیرائی ملنا شروع ہوگئی ہے۔

تفصیلات کے مطابق وزیراعظم کے معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پرجاری اپنے بیان میں کہا کہ ناروے کے سفارت کار ایرک سؤل ہائم نے وزیر اعظم کے بلین ٹری سونامی منصوبے سے پیدا تبدیلی کی تعریف کی ،6سال میں بلین ٹری منصوبے سے ماحول میں حقیقی تبدیلی آنا شروع ہوگئی ہے۔

ڈاکٹر شہباز گل کا  کہنا تھا کہ سیاستدان آئندہ الیکشن کا سوچتا ہے لیڈر آئندہ نسل کے مستقبل کا ضامن ہوتاہے۔

ناروے کے سفارت کار اور UN کے ماحولیاتی پروگرام کے سابق ایگزیکٹو ڈائریکٹر ایرک سؤل ہائم کی وزیر اعظم کے بلین ٹری سونامی منصوبے کے نتیجے میں پیدا ہونے والی تبدیلی کی تعریف۔

Advertisement

عمران خان کے وژن کی وجہ سے 6 سال میں بلین ٹری منصوبے کی بدولت ماحول میں حقیقی تبدیلی آنا شروع ہوگئی ہے۔
1/3 pic.twitter.com/jqPBRyFezv

— Dr. Shahbaz GiLL (@SHABAZGIL) January 27, 2021

انھوں نے اپنی ٹوئٹ میں  کہاکہ وزیراعظم نے اپنے فیصلوں سے ثابت کیا کہ وہ عالمی لیڈر ہیں، مسئلہ کشمیر پردنیا کی توجہ مبذول کرانا ہویا افغان امریکاامن مذاکرات ، آج دنیا پاکستان کی جانب دیکھتی ہے۔

Advertisement

ماضی میں پاکستان کو10پرسنٹ، پانامہ، پنٹ ہاؤس پائرٹس اور کرپشن کے گڑھ کے طور پر یاد کیا جاتا تھا
آج عمران خان پاکستان کے اچھے امیج کی وجہ ہیں۔
عوام پہچان چکے کہ ملک کومثبت راہ پر لانے کیلئے کون مصروف عمل ہےاور کون اپنی کرپشن بچانے کیلئے دشمن کے ہاتھوں میں کٹھ پُتلی بنا ہوا ہے
3/3 pic.twitter.com/Y1zCoGlF2f

— Dr. Shahbaz GiLL (@SHABAZGIL) January 27, 2021

معاون خصوصی نے مزید کہا کہ کل پاکستان 10پرسنٹ،پاناما،پنٹ ہاؤس پائرٹس ، کرپشن کےگڑھ کے طور جاناجاتاتھا، آج عمران خان پاکستان کے اچھے امیج کی وجہ ہیں، عوام پہچان چکے ملک کومثبت راہ پر لانے کیلئے کون مصروف عمل ہے، عوام جانتےہیں کون کرپشن بچانے کیلئے دشمن کے ہاتھوں کٹھ پتلی بنا ہوا ہے۔

واضح رہےکہ یہ پہلا موقع نہیں اس سے قبل امریکا، فرانس، پیرس کی عالمی ماحولیاتی تنظیموں نے وزیراعظم عمران خان کے بلین ٹری سونامی منصوبے کو سراہا تھا۔

عالمی ماحولیاتی تنظیموں کےنمائندوں نے وزیر اعظم کو تعریفی خط ارسال کرتے ہوئے  بلین ٹری منصوبے کی بنیاد پر وزیراعظم عمران خان کو عالمی لیڈر قرار دیا۔

خط میں کہا گیا تھاکہ  ماحولیات سےمتعلق وزیراعظم عمران خان کی کوششیں دنیا کے لیے مثالی ہیں۔