وزیراعظم عمران خان نے پودا لگاکر شجرکاری مہم کا آغاز کردیا ہے اور اس موقع پر تقریب سے خطاب بھی کیا ہے۔

وزیراعظم عمران خان نے اپنے خطاب میں کہا ہے کہ شجرکاری آنیوالی نسلوں کیلئے ضروری ہے، آئندہ نسلوں کیلئے ضروری ہے اپنا طرز زندگی بدلیں۔

Prime Minister @ImranKhanPTI inaugurated Spring Tree Plantation Campaign 2021 and the first ever #Miyawaki Forest in Islamabad earlier today. pic.twitter.com/0k25hd4XhN

— Prime Minister's Office, Pakistan (@PakPMO) February 17, 2021

انہوں نے کہا کہ لاہور کو ایک وقت میں باغوں کا شہر کہا جاتا تھا اور درخت کاٹنے کے باعث آج لاہور میں آلودگی ہے، پشاور کو پھولوں کا شہر کہا جاتا تھا لیکن آج صورتحال مختلف ہے۔

وزیراعظم نے کہا ہے کہ  حکومت ملک کو سرسبز و شاداب بنانے کے لئے بھرپور اقدامات کررہی ہے کیونکہ ماحولیاتی تبدیلی پاکستان کے لئے بڑا خطرہ ہے۔

وزیراعظم نے کہا کہ پاکستان ماحولیاتی تبدیلیوں سے متاثر ہونے والے دس بڑے ملکوں میں شامل ہے ہمیں ماحولیاتی چیلنجوں سے نمٹنے کے لئے فوری اقدامات اٹھانے کی ضرورت ہے ۔

ان کا کہنا تھا کہ میاواکی جاپانی طرز شجر کاری ہے جس کے تحت روایتی طریقوں کی بجائے دس گنا زیادہ تیزی کے ساتھ اور تیس گنا زیادہ گھنے جنگلات اگائے جاسکتے ہیں ۔

 انہوں نے کہا کہ پاکستان تحریک انصاف کی حکومت نے ایک ارب درخت لگانے کا منصوبہ کامیابی سے مکمل کیا اور ہم اب ملک بھر میں 10ارب درخت لگانے کا ہدف بھی حاصل کریں گے۔

وزیراعظم نے نوجوانوں پر زور دیا کہ اپنے مستقبل کو محفوظ بنانے کے لئے حکومت کی شجر کاری مہم میں بھرپور طریقے سے حصہ لیں۔

وزیراعظم نے کہا کہ ہم سب ملکر ایک ایسا سرسبز و شاداب پاکستان بنائے گئے جس میں ہماری آنے والی نسلیں بہتر ماحول میں زندگی گزار سکیں۔

شجرکاری کیلئے اسلام آباد کے 20 مقامات کی نشاندہی کی گئی ہے تاہم شیخ رشید اور امین اسلم نے شجرکاری مہم پر وزیراعظم کو بریفنگ بھی دی گئی ہے۔