وزیر داخلہ شیخ رشید نے کہا ہے کہ سینٹ الیکشن کے حوالے سے سپریم کورٹ کا بڑا اہم فیصلہ آنیوالا ہے اور امید ہے وہ فیصلہ الیکشن سے پہلے آجائیگا۔
تفصیلات کے مطابق وزیر داخلہ میاں شیخ رشید نے پریس کانفرنس کرتے ہوئے کہا ہے کہ جو بکنے والے ہیں ان کا ضمیر مردہ ہوتا ہے اور آصف زرداری نے ووٹوں کی خریداری میں پی ایچ ڈی کی ہوئی ہے لیکن اس دفعہ انہیں مایوسی ہوگی۔
شیخ رشید کا کہنا تھا کہ امید ہے سینیٹ انتخابات میں پی ٹی آئی کی جیت ہوگی، ساری سیاست اب 3 مارچ کو الیکشن میں ہوگی، عمران خان 4 مارچ کو سینیٹ میں سرخرو ہوں گے۔
وزیر داخلہ کا کہنا تھا کہ نواز شریف کے پاسپورٹ کا بڑا شور ہے کیونکہ نواز شریف کے پاسپورٹ کی مدت آج رات 12 بجے ختم ہوجائے گی اور جس کا نام ای سی ایل میں ہو اسے پاسپورٹ جاری نہیں کیا جاسکتا تاہم نوازشریف آنا چاہیں تو ایمرجنسی دستاویزات جاری ہوسکتے ہیں۔
انہوں نے بتایا ہے کہ ویزا کے حوالے سے مریم نواز کی درخواست آئی نہ ہم نے مانگی ہے تاہم مریم نواز سے کوئی وفاقی وزیر رابطے میں نہیں ہے۔
انہوں نے واضح کیا ہے کہ 20 اگست 2018 سے نوازشریف اور مریم نواز کے نام ای سی ایل میں ہیں، نواز شریف نے عدالتی رعایت کا غلط استعمال کیا ہے۔
ان کا کہنا تھا کہ جو لوگ اسمبلیوں پر لعنت بھیجتے تھے آج سینیٹ ٹکٹوں کی جستجو میں ہیں۔
شیخ رشید نے بتایا کہ اسمبلیوں پر لعنت بھیجنے والوں میں فضل الرحمان بھی شامل ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News