حالیہ سینیٹ انتخابات میں ایک مرتبہ پھر پیسہ چلا، وزیر اعظم

شہباز احمد

17th Mar, 2021. 05:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حالیہ سینیٹ انتخابات میں ایک مرتبہ پھر پیسہ چلا، وزیر اعظم

وزیر اعظم عمران خان کا کہنا ہے کہ حالیہ سینیٹ انتخابات میں ایک مرتبہ پھر پیسہ چلا ہے۔

تفصیلات کے مطابق سینیٹ انتخابات میں عدم شفافیت کے معاملے پر وزیراعظم عمران خان نے اسپیکر قومی اسمبلی کو خط لکھ دیا ہے۔

وزیراعظم نے اسپیکر قومی اسمبلی سے پارلیمانی کمیٹی بنانے کی درخواست کرتے ہوئے کہا ہے کہ چاہتے ہیں آئندہ عام انتخابات سے قبل انتخابی اصلاحات ہوجائیں۔

عمران خان نے کہا کہ حالیہ سینیٹ انتخابات میں ایک مرتبہ پھر پیسہ چلا ہے۔ شفافیت کو برقرار رکھنے کے لیے ٹیکنالوجی کا استعمال ناگزیر ہے۔

انہوں نے مزید کہا کہ میں نے ہر سطح پر شفاف انتخابات کے لیے انتخابی اصلاحات کی بات کی ہے۔ سینیٹ انتخابات میں میری جماعت نے اوپن بیلٹنگ کا مطالبہ کیا تھا، ہم قومی اسمبلی میں بل لائے اور سپریم کورٹ بھی گئے۔

وزیر اعظم نے کہا کہ سپریم کورٹ نے انتخابات کو شفاف بنانے کی ہدایت کی لیکن بدقسمتی سے الیکشن کمیشن اپنی ذمہ داری ادا کرنے میں ناکام رہا۔

عمران خان کا کہنا تھا کہ ووٹ کی شفافیت جمہوریت کے لیے ضروری ہے۔ کرپٹ پریکٹسز کو روکنے کے لیے اصلاحات ناگزیر ہیں۔