عمران خان پاکستان کی مالیاتی خودمختاری کا سودا کررہے ہیں، احسن اقبال

عروبہ خان

19th Mar, 2021. 04:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان پاکستان کی مالیاتی خودمختاری کا سودا کررہے ہیں، احسن اقبال

پاکستان مسلم لیگ ن کے رہنما احسن اقبال نے کہا ہے کہ وزیراعظم عمران خان پاکستان کی مالیاتی خودمختاری کا سودا کررہے ہیں۔

احسن اقبال نے کہا ہے کہ حکومت اسٹیٹ بینک کوآئی ایم ایف کا ذیلی دفتربنانے جارہی ہے۔

احسن اقبال کا کہنا تھا کہ عمران خان نے اپنے قول پر عمل کیا ہوتا تو ملک تباہی سے بچ جاتا لیکن آپ نے ملک کو تباہ کردیا ہے اور اب مزید تباہ کرنے کے بجائے استعفیٰ دیں اور گھر جائیں۔

ان کا کہنا تھا کہ مخالفین پر کیچڑ اچھالنے سے حکومت نہیں چل سکتی ہے اور ہماری چوری کاپوچھنا ہے تو ہزارہ موٹروے پر سفر کرنے والے سے پوچھیں کہ ن لیگ نے چوری کی تھی یا خدمت کی تھی۔

انہوں نے مزید کہا ہے کہ آپ چور چور، ڈاکو ڈاکو کر کے تھکتے نہیں ہیں لیکن یہ سن کر ہمارے کان پک چکے ہیں۔

احسن اقبال کا کہنا تھا کہ عمران خان نے اپنی نا اہلی کی وجہ سے ہمارے منصوبوں پر تختیاں لگائیں لیکن گزشتہ 3 سالوں میں کسی منصوبے پر چوری ثابت نہیں کرسکے ہیں۔

انہوں نے کہا ہے کہ پی ٹی آئی آپ ایک سوشل میڈیا کی جماعت ہے جو صرف ٹرینڈ بناسکتی ہے۔