وزیر خارجہ شاہ محمود قریشی آج 2 روزہ دورے پر ترکی روانہ ہونگے۔
تفصیلات کے مطابق وزیر خارجہ شاہ محمود قریشی ایران کا 3 روزہ دورہ کر کے آج ترکی کے 2 روزہ دورے پر جائینگے۔
دورے کے دوران وزیرخارجہ ترکی کے ہم منصب سے دوطرفہ بات چیت کرینگے، دوطرفہ بات چیت کے دوران دونوں وزرائے خارجہ باہمی تعلقات کے تمام پہلوؤں کا جائزہ لینگے۔
دورے کے دوران اعلیٰ سطح کی اسٹرٹیجک تعاون کونسل کے ساتویں اجلاس کی تیاریوں پر تبادلہ خیال کرینگے جو رواں سال ترکی میں ہوگا فریقین علاقائی سیکورٹی کی صورتحال پر بھی بات چیت کرینگے۔
اسکے علاوہ وزیر خارجہ شاہ محمود قریشی پاکستان، ترکی اور افغانستان کے وزرائے خارجہ کے سہ ملکی اجلاس میں بھی شرکت کرینگے۔
ترکی اور افغانستان کے وزرائے خارجہ کے ساتھ سہ ملکی اجلاس میں شاہ محمود قریشی افغان امن عمل کی تازہ ترین صورتحال پر تبادلہ خیال کرینگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News